బాలయ్యకు ఫిదా అయిన ఆర్జీవీ!

తొలిసారిగా దర్శకుడు ఆర్జీవీ నోట పాజిటివ్ మాటలు వినిపించాయి. అది బాలయ్యపై. అన్‌స్టాపబుల్ విత్ ఎన్‌బీకే షోతో మంచి రేటింగ్ సంపాదించారు బాలకృష్ణ. ఇప్పటికే ఈ షోలో మోహన్‌బాబు ఫ్యామిలీ, దర్శక ధీరుడు రాజమౌళి, పూరి జగన్నాథ్, అల్లు అర్జున్, రవితేజ, రానా, నాని, బ్రహ్మానందం, ఎంఎం కీరవాణి చాలా మంది సందడి చేశారు.

దీంతో ఈ షోపై అందరిలో ఆసక్తి నెలకొనగా ఆర్జీవీ సైతం ఇంప్రెస్ అయ్యారు. బాలయ్య చేస్తున్న పోగ్రామ్‌ అంటే తనకు ఎంతో ఇష్టమని తెలిపారు. ఇదో స్ట్రాటో ఆవరణ ప్రోగ్రామ్ అంటూ ప్రశంసలు కురిపించారు. ఈ షోలో తనకు ఓ అవకాశం ఇవ్వండి అంటూ ట్వీట్ చేశారు ఆర్జీవీ.

ఆర్జీవీ చేసిన ట్వీట్ ఇప్పుడు నెట్టింట వైరల్‌గా మారింది.