పొంగులేటి,జూపల్లితో రేవంత్ భేటీ!

పీసీసీ చీఫ్ రేవంత్ రెడ్డి ఇవాళ మాజీ ఎంపీ పొంగులేటి శ్రీనివాస్ రెడ్డి, మాజీ మంత్రి జూపల్లితో భేటీ కానున్నారు. వీరిద్దరూ త్వరలో కాంగ్రెస్‌ పార్టీలో చేరనున్న నేపథ్యంలో రేవంత్ భేటీకి ప్రాధాన్యత సంతరించుకుంది.

మధ్యాహ్నం 1గంటలకు జూపల్లి కృష్ణారావు నివాసంకు వెళ్లనున్న రేవంత్ ఆయనతో భేటీ కానున్నారు. అనంతరం రేవంత్,జూపల్లి ఇద్దరు కలిసి పొంగులేటి నివాసానికి వెళ్లనున్నారు. అనంతరం ముగ్గురు కలిసి పార్టీలో చేరిక, విధివిధానాలపై చర్చించే అవకాశం ఉంది.

Also Read:జయశంకర్ సార్…యాదిలో

త్వరలోనే పొంగులేటి,జూపల్లి ఢిల్లీ వెళ్లి రాహుల్ గాంధీతో భేటీ కానున్నారు. ఆ భేటీకి సంబంధించిన అపాయింట్ మెంట్ ఖరారైన తరువాత వారు ఢిల్లీ వెళ్తనున్నారు. ముగ్గురు నేతలు భేటీ తరువాత మీడియాతో మాట్లాడే అవకాశం ఉన్నట్లు సమాచారం.