ఢిల్లీపై ఒక్క పరుగు తేడాతో ఆర్సీబీ గెలుపు..

నరాలు తెగే ఉత్కంఠ మధ్య ఢిల్లీపై ఆర్సీబీ ఒక్క పరుగు తేడాతో గెలిచి ఉపిరి పీల్చుకుంది. ఆర్సీబీ విధించిన 172 పరుగుల లక్ష్యంతో బరిలోకి దిగిన ఢిల్లీ 170 పరుగులు చేసింది. 20 ఓవర్లలో 4 వికెట్లకు 170 పరుగులు చేయగలిగింది. రిషభ్‌ పంత్‌ (48 బంతుల్లో 58 నాటౌట్‌; 6 ఫోర్లు), షిమ్రాన్‌ హెట్‌మైర్‌ (25 బంతుల్లో 53 నాటౌట్‌; 2 ఫోర్లు, 4 సిక్సర్లు) అర్ధ సెంచరీలతో రాణించిన జట్టును విజయతీరాలకు చేర్చలేకపోయారు.

అంతకముందు తొలుత బ్యాటింగ్ చేసిన బెంగళూరు 20 ఓవర్లలో 5 వికెట్ల నష్టానికి 171 పరుగులు చేసింది. టాప్ ఆర్డర్ కుప్పకూలిన ఏబీ డివిలియర్స్ విశ్వరూపం చూపించాడు. కేవలం 42 బంతుల్లో 75 నాటౌట్‌; 3 ఫోర్లు, 5 సిక్సర్లతో చెలరేగగా… రజత్‌ పటిదార్‌ (22 బంతుల్లో 31; 2 సిక్స్‌లు) రాణించాడు. ఆర్సీబీ భారీ స్కోరు సాధించడంలో కీ రోల్ పోషించిన ఏబీకి ప్లేయర్ ఆఫ్‌ ది మ్యాచ్ లభించింది.