అదృష్టం అంటే రష్మిక మందాన్న దే. వరుస ఫ్లాప్ లు పడుతున్నా రష్మిక మందాన్న జోరుకి మిగతా హీరోయిన్లు బేజారు అన్నట్టుగా అమ్మడుకి అవకాశాలు వెల్లువలా వచ్చిపడుతున్నాయి. నిజానికి మొన్నటివరకూ రష్మిక మందాన్నా పని అయిపోయింది అని, ఆమెకు అవకాశాలు తగ్గిపోతున్నాయని ప్రచారం జరిగింది. దానికి తగ్గట్టుగానే రష్మిక మందాన్న క్రేజ్ కి తగ్గట్టు సినిమాలు ఎనౌన్స్ కాలేదు. ఈ లోపు తన ఇంటి ముందు దర్శకనిర్మాతలు టెంట్ వేసుకుని మరీ తనను తమ సినిమాల్లో బుక్ చేసుకుంటున్నారు అంటూ ఆ మధ్య రష్మిక మందాన్న బిల్డప్ ఇచ్చింది.
కానీ, అంత బిల్డప్ ఇచ్చి.. సినిమాల ప్రకటన మాత్రం రాకపోయే సరికి.. ఇక రష్మిక ఫేడ్ అవుట్ స్టేజ్ కి చేరింది అని నెటిజన్లు కూడా గట్టిగా ప్రచారం చేశారు. రష్మిక మందాన్న కి తెలుగులో కూడా కెరీర్ కష్టమే అనుకున్నారు. ఐతే, ఇప్పుడు రష్మిక మందాన్న మళ్లీ క్రేజీ బిజీ తారగా మారిపోయింది. ఆమె డేట్లు కోసం మళ్లీ నిర్మాతలు ఎగబడుతున్నారు. బహుశా హిందీలో కూడా రష్మిక కి ఇమేజ్ క్రియేట్ అవ్వడమే ఇందుకు ముఖ్య కారణం అని తెలుస్తుంది. పైగా రష్మిక మందాన్న నటనకు మంచి ఫాలోయింగ్ ఉంది. అందుకే, హీరోలు సైతం ఆమెకే ఓట్లు వేస్తున్నారు.
Also Read:అటల్‌…మీకు ‘సలాం’
రష్మిక కు ప్రస్తుతం తెలుగు – తమిళం నుంచే కాక అటు హిందీ పరిశ్రమ నుంచి కూడా వరుస సినిమాలు వస్తున్నాయి. ఆల్ రెడీ రష్మిక మందాన్న హీరోయిన్ గా నటిస్తున్న పుష్ప 2: ది రూల్ చిత్రం నిర్మాణంలో ఉంది. అలాగే వెంకీ కుడుముల – నితిన్ సినిమా కూడా సెట్స్ పైకి వెళ్లనుంది. ఇక రెయిన్‌బో కూడా ఆమె ఖాతాలో ఉంది. మొన్నే ధనుష్ – శేఖర్ కమ్ముల సినిమాకి కూడా రష్మిక మందాన్న సైన్ చేసింది. తాజాగా తమిళ స్టార్ హీరో విజయ్ సినిమాలో కూడా రష్మిక మందాన్న హీరోయిన్ గా నటించడానికి గ్రీన్ సిగ్నల్ ఇచ్చింది అని తెలుస్తుంది. అలాగే విజయ్ దేవరకొండ కొత్త సినిమాలోనూ రష్మిక పేరు వినిపిస్తుంది. మొత్తానికి డ్యామేజ్ జరిగినా ఇంకా రష్మిక కు ఇమేజ్ ఉంది.
Also Read:KTR:వారంరోజుల్లో తొలివిడత ఇండ్ల పంపీణీ
