హిట్,ఫ్లాప్‌లతో సంబంధం లేకుండా వరుస సినిమాలతో దూసుకుపోతోంది రష్మికా మందన్నా. టాలీవుడ్,కోలీవుడ్ ఏ ఇండస్ట్రీ అయినా తన అద్భుత నటనతో ఆకట్టుకుంటున్న రష్మికా…బాలీవుడ్‌లోనూ పాగా వేసేందుకు ప్రయత్నిస్తోంది. ప్రస్తుతం వరుస సినిమాలతో బిజీగా ఉన్న రష్మిక ఎప్పకిప్పుడు సోషల్ మీడియా ద్వారా తన సినిమాకు సంబంధించిన అప్‌డేట్ ఇస్తూనే ఉంటుంది.
ఇక పుష్ప చిత్రంలోని శ్రీవల్లి పాత్ర అమ్మడికి మంచి క్రేజ్‌ని తెచ్చిపెట్టింది. ఈ సినిమా పాన్ ఇండియా వైడ్‌గా బ్లాక్‌బస్టర్ హిట్ అవగా, శ్రీవల్లి పాత్రలో రష్మిక పర్ఫార్మెన్స్‌కు అభిమానులు ఫిదా అయ్యారు. ముఖ్యంగా సామి.. సామి అంటూ రష్మిక వేసిన స్టెప్స్ అందరిని ఆకట్టుకున్నాయి. తాజాగా ఓ చిన్నారి ఈ పాటకు వేసిన డ్యాన్స్ ప్రస్తుతం సోషల్ మీడియాలో వైరల్‌గా మారింది. బొద్దుగా ఉన్న చిన్నారి చాలా గ్రేస్‌తో వేసిన డ్యాన్స్ స్టెప్స్ అద్భుతంగా ఉండటంతో, దీనికి సంబంధించిన వీడియో సోషల్ మీడియాలో వైరల్ అవుతోంది.
ఈ వీడియోను చూసిన రష్మిక, తనకు చాలా సంతోషంగా ఉందని తెలిపింది. ఆ చిన్నారి డ్యాన్స్‌కు తాను కూడా ఫిదా అయ్యానని.. తనకు ఆ చిన్నారిని కలవాలనుందని తెలిపింది.
Maaaaadddddeeeeee myyyyy daaaaaay.. I want to meet this cutie..💘
how can I? 🥹 https://t.co/RxJXWzPlsK— Rashmika Mandanna (@iamRashmika) September 14, 2022
