రామ్ చరణ్ సమంత జంటగా నటిస్తున్న రంగస్థలంపై చిత్రంపై తెలుగు ప్రేక్షకులందరికి ఒక రేంజ్‌లో అంచనాలు ఉన్నాయి. ఇప్పటికే విడుదల చేసిన రామ్ చరణ్ టీజర్‌లో చెవిటివాడైన చిట్టిబాబు కారెక్టర్‌తో అందరి చూపు తన వైపు తిప్పేసుకున్నాడు. నేను కూడా ఉన్నాను అంటూ విడుదల అయిన మరో టీజర్‌లో రామలక్ష్మిగా సమంత మురిపించేసింది.
ఈ సినిమా షూటింగ్ పార్టు పూర్తిచేసుకుని .. పోస్ట్ ప్రొడక్షన్ పనులను జరుపుకుంటోంది. చరణ్ .. సమంత డిఫరెంట్ లుక్స్‌తో కనిపించనుండటంతో, అభిమానులంతా ఈ సినిమా .. థియేటర్స్‌కి వచ్చే రోజు కోసం ఎంతో ఆసక్తితో ఎదురుచూస్తున్నారు. ఈ నేపథ్యంలో ఈ సినిమాను ఈ నెల 30వ తేదీన విడుదల చేయనున్నారు.
ప్రమోషన్స్‌లో భాగంగా ఇప్పటికే ఈ సినిమా నుంచి ‘ఎంత సక్కగున్నావే’ .. ‘రంగ రంగ రంగస్థలాన’ అనే పాటలు బాగా పాప్యులర్ అయ్యాయి. దేవిశ్రీ ప్రసాద్ సంగీతాన్ని అందించిన ఈ సినిమా నుంచి రేపు సాయంత్రం 6 గంటలకు మరో సింగిల్‌ను వదలనున్నారు. ‘రంగమ్మ .. మంగమ్మ’ అంటూ ఈ సాంగ్ కొనసాగనుంది. చూస్తుంటే ఇది జానపద బాణీలో కొనసాగేలా అనిపిస్తోంది. ఈ సాంగ్ ఏ స్థాయిలో జనంలోకి దూసుకెళుతుందో .. ఎంతటి సందడి చేస్తుందో చూడాలి.
