టాలీవుడ్ యంగ్ హీరో రానా వరుస సినిమాలు చేయడంతో పాటు పలు కంపెనీలతో కొలబ్రేట్ అవుతూ ప్రమోటర్‌గా వ్యవహరిస్తూ ఉంటాడు. ప్ర‌స్తుతం భీమ్లా నాయక్ చిత్రంలో నటిస్తున్న రానా ఇప్పుడు సోనీ లీవ్ ఓటీటీని ప్రమోట్ చేసేందుకు ముందుకు వచ్చాడు. ఉత్తరాదిన మంచి ఆధరణ దక్కించుకున్న సోనీ లీవ్ ఓటీటీని సౌత్‌లో విస్తరించేందుకు గాను పెద్ద ఎత్తున ప్రయత్నాలు చేస్తున్నారు.
ఇందులో సినిమాల‌తో పాటు వెబ్ సిరీస్‌లు ప్ర‌సారం చేయ‌నున్నారు. అయితే సౌత్‌లోను దీనిని విస్తరించేందుకు గాను రానా సాయం తీసుకున్నారు నిర్వాహ‌కులు. రానా సోనీ లీవ్ ప్రమోషన్ కోసం కమర్షియల్ యాడ్‌లో నటించాడు. అందులో డబ్ల్యూ డబ్ల్యూ ఈ ఆర్టిస్టుగా రానా కనిపించబోతున్నాడు. ఇప్పటి వరకు ఏ సౌత్ హీరో కూడా ఇలాంటి ప్రయోగాన్ని చేయలేదు. మొదటి సారి రానా నుండి ఇలాంటి ప్రయోగం రాబోతున్న నేపథ్యంలో అంతా కూడా ఆశ్చర్యంగా ఆసక్తిగా చూస్తున్నారు.
ఇక రానా సినిమాల విషయానికి వస్తే ఒక వైపు విరాట పర్వం సినిమా విడుదలకు సిద్దం అవుతుండగా మరో వైపు పవన్ కళ్యాణ్ తో కలిసి నటిస్తున్న భీమ్లా నాయక్ సినిమాను వచ్చే సంక్రాంతికి విడుదల చేయబోతున్నారు. మరో వైపు బాబాయితో కలిసి ఒక వెబ్ సిరీస్ ను చేస్తున్నాడు. అది ప్రముఖ ఓటీటీ అయిన నెట్ ఫ్లిక్స్ లో స్ట్రీమింగ్ అవ్వబోతున్నట్లుగా వార్తలు వస్తున్నాయి.
