లియో సినిమాలో రామ్ చరణ్ తో లోకేష్ కనగరాజ్ క్యామియో చేయించారనే వార్త కొన్ని రోజులుగా సోషల్ మీడియాలో వినిపిస్తూనే ఉంది. అయితే ఈ క్రమంలో లేటెస్ట్ గా చరణ్ ‘కోబ్రా’గా లియో సినిమాలో నటిస్తున్నారనే పోస్ట్ ఒకటి సోషల్ మీడియాలో బయటకి వచ్చింది. వినయవిధేయ రామ సినిమా నుంచి చరణ్ లుక్ ని తీసుకోని ఈ ఫేక్ పోస్టర్ ని డిజైన్ చేసారు. ఏది ఏమైనా చరణ్ పేరుని మాత్రం లియోతో లింక్ చేసి తెగ వాడేస్తున్నారు.
ఇక ఇప్పటికే విడుదలైన ఈ సినిమా ట్రైలర్ యూట్యూబ్‌లో రికార్డుస్థాయి వ్యూస్‌తో దూసుకెళ్తుండగా.. ఈ మూవీ నుంచి మూడో సింగిల్‌ ‘ప్రేమ ఓ ఆయుధం సాంగ్’ను మేకర్స్ విడుదల చేయడం.. అది కూడా వైరల్ అవ్వడం విశేషం. అనిరుధ్‌ కంపోజిషన్‌లో వచ్చిన ఈ సాంగ్ అడియెన్స్‌ను ఆకట్టుకుంటోంది. కాగా, ఈ మూవీ అక్టోబర్‌ 19న థియేటర్లలో రిలీజ్ కానుంది. ఇంతకీ, విజ‌య్ లియోలో రామ్ చరణ్ న‌టిస్తున్నాడ‌న్న వార్త ఎంత‌వ‌ర‌కు నిజ‌మో తెలియదు కానీ ఈ వార్త మాత్రం బాగా వైరల్ అవుతుంది.
అన్నట్టు చరణ్ గురించి మ‌రో వార్త వినిపిస్తోంది. లియో సినిమా నిర్మాణ సంస్థ 7 స్క్రీన్స్ స్టూడియోస్‌తో చరణ్ ఓ సినిమా చేయ‌నున్నాడ‌ని వార్త‌లొస్తున్నాయి. అందులో భాగంగా ఏర్ప‌డిన ప‌రిచ‌యంతోనే చరణ్ లియోలో న‌టిస్తున్నాడ‌ని కూడా అంటున్నారు. మ‌రి ఈ వార్త‌ల్లో నిజ‌మెంత‌న్న‌ది తెలియాల్సి ఉంది.
Also Read:చిరు 157కి ఆసక్తికర టైటిల్!
