టాలీవుడ్ హీరో మెగా పవర్‌ స్టార్‌ రామ్ చరణ్ రంగస్థలం మూవీతో బారీ విజయాన్ని అందుకున్న సంగతి తెలిసిందే. ఈ మెగా హీరోకు బయోపిక్ సినిమాలంటే చాలా ఇష్టమట. తాజాగా ఓ ఇంటర్వ్యూలో మాట్లాడుతూ.. బయోపిక్‌లలో నిజాలు ఉంటాయని… అందుకే అవి తనకు నచ్చుతాయని చరణ్ తెలిపాడు.
అయితే, బయోపిక్ లో నటించే అవకాశం తనకు వస్తే ఎంతవరకు న్యాయం చేయగలుగుతానో మాత్రం చెప్పలేనని అన్నాడు. తాజగా ‘సంజు’ సినిమా చూసిని చరణ్.. ఈ సినిమాలో రణబీర్ కపూర్ నటన చాలా బాగా నచ్చిందని.. ఆయన గొప్ప యాక్టర్ అని కితాబిచ్చాడు.
ఇక తన భార్య ఉపాసనకు గురించి మాట్లాడుతూ.. ఆమెకు కామెడీ సినిమాలంటే చాలా ఇష్టమని… ఆమె వల్లే తాను కామెడీ సినిమాలు చూస్తున్నానని… ఈ విషయంలో ఆమెకు థాక్ప్‌ చెప్పాలని రామ్ చరణ్ తెలిపాడు. ఈ మెగా హీరో ప్రస్తుతం బోయపాటి శ్రీను దర్శకత్వంలో చరణ్ నటిస్తున్నాడు. ఆయనకు జోడీగా కైరా అద్వాణీ నటిస్తోంది. ఈ చిత్రం తర్వాత రాజమౌళి తెరకెక్కించనున్న మల్టీస్టారర్ మూవీలో నటించబోతున్న విషయం తెలిసిందే.
