మొన్న మెగా స్టార్ పుట్టిన రోజు సందర్భంగా వచ్చిన “సైరా నరసింహారెడ్డి” టీజర్ ప్రేక్షకులకి ఓ మంచి సర్ ప్రైజ్ అనే చెప్పాలి. ఆ చిత్రానికి నిర్మాణ సారథ్యం వహిస్తున్న మన రామ్ చరణ్ తేజ్, తన సినిమా ప్రమోషన్స్ కూడా మొదలుపెట్టబోతున్నాడట. అదికూడా తన బాబాయ్ బర్త్ డే తో స్టార్ట్ చేయబోతున్నాడని సోషల్ మీడియాలో వార్తలు చెలరేగిపోతున్నాయ్.
జయ జానకి నాయక సినిమా తర్వాత కొంచెం స్పీడ్ తగ్గించిన బోయపాటి శ్రీను, రామ్ చరణ్ కోసం చాలా బలమైన కథను రూపొందించడంలో నిమగ్నమయ్యాడని సినీ ఇండస్ట్రీలో టాక్. రంగస్థలం వంటి గొప్ప మైలురాయి తర్వాత ఏ మాత్రం తప్పటడుగు వేసినా చరణ్ క్రేజ్ దారి తప్పే ప్రమాదం ఉంది కాబట్టి చెర్రీ కూడా కథపై పూర్తి దృష్టి పెట్టినట్టు సమాచారం.
ప్రస్తుతం షూటింగ్ లో నిమగ్నమైన ఈ సినిమా ప్రమోషన్ పనిలో రామ్ చరణ్ బిజీగా ఉన్నట్టు వార్తలొస్తున్నాయి. అందులో భాగం గా ఈ సినిమా ఫస్ట్ లుక్ ని మన పవర్ స్టార్ పవన్ కళ్యాణ్ పుట్టిన రోజు కానుకగా సెప్టెంబర్ 2న విడుదల చేసేందుకు చెర్రీ నిర్ణయించుకున్నట్టు సోషల్ మీడియాలో గుసగుసలు వినిపిస్తున్నాయి. దీనిపై చెర్రీ ఎలాంటి అధికార ప్రకటన ఇవ్వకపోయినా ప్రస్తుతం అంతర్జాలం లో ఇదే హాట్ టాపిక్.
