బాహుబలి భారీ విజయం సాధించడంతో ఆ తరహా చిత్రాల రూపకల్పనకు సిద్ధమవుతున్నారు దర్శక నిర్మాతలు. ఇప్పటికే మహాభారత, రామాయణం సినిమాలు త్వరలోనే తెరమీదకు రానున్నాయి. రూ.1000 కోట్ల బడ్జెట్‌తో మహాభారతను తెరకెక్కిస్తారన్న ప్రచారం జరుగుతుండగా ప్రముఖ నిర్మాత అల్లు అరవింద్ రూ.500 కోట్లతో రామాయణాన్ని తెరకెక్కిస్తామని ప్రకటించారు.
గీతా ఆర్ట్స్ బ్యానర్‌లో తెరకెక్కనున్న ఈ సినిమా త్వరలోనే పట్టాలెక్కనుంది. దీంతో ఇప్పుడు అందరి చూపు ఈ సినిమాపైనే పడింది. ఈ హిస్టారికల్ మూవీలో నటించేందుకు పలువురు నటులు పోటీపడుతున్నారు. ఈ చిత్రంలో రాముడిగా ఎవరు నటించనున్నారో తెలియదు దాంతో మెగా ఫ్యాన్స్ రాంచరణ్ ని రాముడి గా భావిస్తూ ఓ పోస్టర్ ని డిజైన్ చేసి సోషల్ మీడియాలో వదిలారు అది ఇక వైరల్ అవుతోంది సోషల్ మీడియాలో.
సిక్స్ ప్యాక్ రాముడిలా చరణ్ పోస్టర్ చాలా బాగుంది . డిజైన్ చేసింది ఎవరో కానీ బాగా చేసారు దాంతో ఆ పోస్టర్ తెగ సర్క్యులేట్ అవుతోంది. రాంచరణ్ రాముడైతే సీత ఎవరన్న దానిపై ఉహాగానాలు జోరందుకున్నాయి. ప్రస్తుతం రాంచరణ్ సుకుమార్ దర్శకత్వంలో నటిస్తున్నాడు. అయితే ఈ వార్తలో నిజం లేదని చరణ్ కానీ .. ఆయన టీమ్ కానీ .. సన్నిహితులు కాని ఇంతవరకూ స్పందించలేదు. దాంతో ఈ ప్రాజెక్టు .. అందులో రాముడిగా చరణ్ నటించనుండటం నిజమేననే అభిప్రాయాలు వ్యక్తమవుతున్నాయి.
