తన రాబోయే చిత్రం ‘పెద్ది’ షూటింగ్ సమయంలో సంభవించిన కుడి చేతి మణికట్టు గాయానికి నటుడు రామ్ చరణ్ కోయంబత్తూరులోని గంగా హాస్పిటల్లో విజయవంతంగా శస్త్రచికిత్స (సర్జరీ) చేయించుకున్నారు. వైద్యులు ఆయనకు 8 వారాల పాటు విశ్రాంతి మరియు ఫిజియోథెరపీ తీసుకోవాలని సూచించారు.
సినిమా ప్రమోషన్ బాధ్యతలను పూర్తి చేయాల్సి రావడం వల్ల ఆయన ఈ శస్త్రచికిత్సను కొంతకాలం వాయిదా వేశారు. వారం రోజుల తర్వాత ఎట్టకేలకు శస్త్రచికిత్స పూర్తి చేసుకున్న చరణ్, ప్రస్తుతం కోలుకుంటున్నారు. సర్జరీ అనంతరం వైద్యుల బృందంతో కలిసి రామ్ చరణ్ దిగిన ఒక ఫోటో సోషల్ మీడియాలో వైరల్గా మారింది.
ఈ ఫోటోలో రామ్ చరణ్ మెడికల్ టీమ్తో కలిసి నవ్వుతూ కనిపించడంతో అభిమానులు ఊపిరి పీల్చుకున్నారు. ఆయన త్వరగా కోలుకోవాలని ఆకాంక్షిస్తూ సోషల్ మీడియా వేదికగా మెసేజ్లు వెల్లువెత్తుతున్నాయి.మన ప్రియతమ రామ్ చరణ్ గారికి కోయంబత్తూరులో అనుభవజ్ఞులైన వైద్యుల సంరక్షణలో మణికట్టు సర్జరీ విజయవంతంగా పూర్తయింది. పూర్తి స్థాయిలో కోలుకోవడానికి వైద్యులు 8 వారాల విశ్రాంతి మరియు ఫిజియోథెరపీని సిఫార్సు చేశారు. కోలుకోవడానికి తగినంత సమయం తీసుకోండి అన్నా… మీ ఆరోగ్యమే మాకు అత్యంత ముఖ్యం అన్నారు.
Also Read:మోదీపై అసభ్యకర పోస్టులు..పోలీసుల నోటీసులు
రామ్ చరణ్కు దాదాపు ఎనిమిది వారాల విశ్రాంతి మరియు ఫిజియోథెరపీ అవసరమని వైద్యులు తెలిపారు. ఈ పునరావాస ప్రక్రియ పూర్తయిన తర్వాతే ఆయన తిరిగి షూటింగ్లలో పాల్గొంటారు. మా మెగా పవర్ స్టార్ రామ్ చరణ్ గారికి శస్త్రచికిత్స విజయవంతంగా పూర్తయిందని తెలపడానికి సంతోషిస్తున్నాం. ‘పెద్ది’ షూటింగ్ సమయంలో గాయపడినప్పటికీ, నొప్పిని భరిస్తూనే ఆయన అద్భుతమైన నిబద్ధతతో కీలక సన్నివేశాలను పూర్తి చేశారు. ఆయనలోని అభిరుచి, పట్టుదల మరియు వృత్తి పట్ల ఉన్న నిబద్ధత ఇండస్ట్రీకి ఎంతో స్ఫూర్తిదాయకం. ఆయన ప్రస్తుతం ఆరోగ్యంగా ఉన్నారని తెలిసి సంతోషిస్తున్నాం. ఆయన త్వరగా కోలుకుని, మళ్ళీ సంపూర్ణ ఆరోగ్యంతో తిరిగొస్తారని ఆశిస్తున్నాం అన్నారు.ప్రస్తుతం రామ్ చరణ్ కోయంబత్తూరులో విశ్రాంతి తీసుకుంటున్నారు.