మెగాపవర్ స్టార్ రామ్ చరణ్-సుకుమార్ కాంబినేషన్‌లో తెరకెక్కిన చిత్రం రంగస్థలం. 1985 నాటికాలాన్ని తలపించేలా పూర్తిస్ధాయి గ్రామీణ నేపథ్యంలో తెరకెక్కిన ఈ సినిమా హిట్ టాక్‌తో దూసుకుపోతోంది.ప్రీమియర్ షోల నుంచే పాజిటివ్ టాక్ రావడంతో మంచివసూళ్లను రాబడుతోంది.
తెలుగు రాష్ట్రాలతో పాటు ఓవర్సిస్‌లో రంగస్థలం వసూళ్ల జోరు కొనసాగుతునే ఉంది. తెలుగు రాష్ట్రాల్లో విడుదలైన రెండు రోజుల్లో రూ.28.57 కోట్ల షేర్‌ని రాబట్టిన రంగస్ధలం…వీకెండ్‌తో కలిపి దాదాపు రూ. 53 కోట్ల షేర్ ను రూ.84 కోట్ల వరకు గ్రాస్ ను రాబట్టే అవకాశాలున్నాయని తెలుస్తోంది.
ఓవర్సిస్‌లో తొలిరోజే 1.2 మిలియన్ డాలర్ల గ్రాస్ ను ఖాతాలో వేసుకున్న ఈ చిత్రం శని, ఆదివారాల్లో మంచి రన్ కనబర్చి మొదటి వారాంతానికి 2.32 మిలియన్ డాలర్లను రాబట్టుకుంది. ఇప్పటి వరకు బాహుబలి తర్వాత మహేష్ బాబు ‘శ్రీమంతుడు’ 2.87 మిలియన్ డాలర్ల ఫుల్ రన్ తో వసూళ్లు సాధించగా రంగస్థలం ఆ రికార్డును బ్రేక్ చేసే దిశగా వెళుతోంది. ఓవరాల్‌గా మగధీర తర్వాత రామ్ చరణ్‌కు ఇదే పెద్దహిట్ అని చెప్పవచ్చు.
