టాలీవుడ్ హీరో మెగా పవర్‌స్టార్‌ రామ్ చరణ్ తేజ్‌ సుకుమార్‌ డైరెక్షన్‌లో రంగస్థలం మూవీతో బ్లాక్ బస్టర్‌ అందుకున్న విషయం తెలిసిందే. ప్రస్తుతం చరణ్ హీరోగా బోయపాటి శ్రీను దర్శకత్వంలో ఓ చిత్రం తెరకెక్కుతోంది. ఈ సినిమాకి ‘వినయ విధేయ రామ’ అనే టైటిల్‌ కూడా ఖరారు చేశారు. ఈ సినిమాలో చరణ్ సరసన కైరా అద్వాని హీరోయిన్‌గా నటిస్తోంది. ఈ సినిమాని సంక్రాంతికి విడుదల చేయాలని చిత్ర యూనిట్‌ ప్లాన్‌ చేస్తోంది. ఈ నేపథ్యంలో ఈ మూవీ షూటింగ్ మరింత అలస్యం జరుగుతోందనీ .. సంక్రాంతికి విడుదల కావడం కష్టమేననే వార్తలు వస్తున్నాయి.
అయితే ఈ విషయంపై దర్శక నిర్మాతలు క్లారిటీ ఇచ్చారు. ఈ సినిమా ఇప్పటికే టాకీ పార్ట్ పూర్తి చేసుకొగా రెండు పాటలు మాత్రమే బ్యాలెన్స్ ఉన్నాయని నిర్మాతలు అన్నారు. నవంబర్ 10వ తేదీ నాటికి వాటి చిత్రీకరణను కూడా పూర్తిచేస్తామని చెప్పారు. షూటింగ్ పూర్తయిన వెంటనే డబ్బింగ్ కార్యక్రమాలను మొదలుపెట్టనున్నామనీ, సంక్రాంతికి ఈ సినిమాను తప్పకుండా రిలీజ్ చేస్తామని అన్నారు.
త్వరలోనే ఫస్టులుక్ రిలీజ్ డేట్‌ను ప్రకటించనున్నామని చెప్పారు. మొత్తానికి సంక్రాంతికి చరణ్ ‘వినయ విధేయ రామ’ రానుందని తెలుస్తుంది. ఈ మూవీలో స్నేహ ముఖ్య పాత్ర‌ల‌లో క‌నిపించ‌నున్నారు. వివేక్‌ ఒబెరాయ్ ఈ సినిమాలో విల‌న్‌గా క‌నిపిస్తాడ‌ని అంటున్నారు . ఇక చరణ్ అన్న పాత్రల్లో కోలీవుడ్ హీరో ప్రశాంత్‌, నవీన్‌ చంద్రలు నటిస్తున్నారు.
Contrary to some rumors which are being circulated, #RC12 is on schedule to release for Sankranthi 2019. We will announce the first look details very soon.
— DVV Entertainment (@DVVMovies) October 31, 2018
