పూరి జగన్నాథ్ దర్శకత్వంలో రామ్ కథానాయకుడిగా ‘ఇస్మార్ట్ శంకర్’ ఈ రోజునే గ్రాండ్‌గా లాంచ్ చేశారు. ఈ సినిమా టైటిల్ .. రామ్ లుక్ ఇప్పటికే ఆసక్తిని రేకెత్తిస్తున్నాయి. రామ్ తన కెరియర్‌లో ఒక డిఫరెంట్ రోల్ చేస్తున్నాడనే విషయం అర్థమైపోయింది. రేపటి నుంచి ఈ సినిమా రెగ్యులర్ షూటింగ్ మొదలుకానుంది.
ఈ కార్య‌క్ర‌మానికి చిత్ర యూనిట్‌తో పాటు ప‌లువురు ప్ర‌ముఖులు హాజ‌ర‌య్యారు. చార్మీ క్లాప్ కొట్టి షూటింగ్ ప్రారంభించ‌గా, స్ర‌వంతి ర‌వి కిషోర్ కెమెరా స్విచ్ ఆన్ చేశారు. ఈ సినిమాలో రామ్ స‌రికొత్త లుక్‌లో క‌నిపించ‌నున్నాడు. పూరీ,రామ్‌లకు కొన్నాళ్ళుగా సరైన హిట్స్ లేక ఇబ్బందిప‌డుతున్నారు. పూరీ ఈ సినిమాతో మంచి విజ‌యం త‌మ ఖాతాలో వేసుకోవాల‌నే క‌సితో ఉన్నారు.
పూరీ జగన్నాథ్ ద‌ర్శ‌కుడిగానే కాదు నిర్మాత‌గాను ఈ చిత్రానికి పని చేస్తున్నారు. చార్మీ స‌హానిర్మాత‌గా ఉన్నారు. అను ఎమ్మాన్యుయేల్‌తో పాటు మ‌రో హీరోయిన్‌ను ఈ చిత్రంలో క‌థానాయిక‌లుగా తీసుకోవాల‌ని అనుకుంటున్నార‌ట. మాస్ కంటెంట్‌తో పూరీ జగన్నాథ్ ఈ చిత్రాన్ని క‌మ‌ర్షియ‌ల్ ఫార్మాట్‌లో తెర‌కెక్కించ‌బోతున్నాడట.
 and its ...){kind=link}