సూపర్ స్టార్ రజనీకాంత్ హీరోగా నెల్సన్ దర్శకత్వంలో తెరకెక్కిన చిత్రం జైలర్. పాన్ ఇండియా సినిమాగా వచ్చిన ఈ చిత్రం బాక్సాఫీస్‌ని షేక్ చేసింది. ఓవరాల్‌గా ప్రపంచవ్యాప్తంగా సినిమా దాదాపు రూ.650 కోట్లకు పైగా వసూళ్లను రాబట్టింది. ఈ సినిమాతో భారతీయ సినీ పరిశ్రమలో అత్యధిక పారితోషికం తీసుకుంటున్న నటుడిగా రికార్డు సృష్టించారు రజనీ.
తాజాగా ఈ సినిమా ఓటీటీ డేట్ లాక్ అయింది. సెప్టెంబర్ 7న అమెజాన్ ప్రైమ్‌లో స్ట్రీమింగ్ కానుంది.తెలుగుతోపాటు, హిందీ, మలయాళం, కన్నడ భాషల్లో అందుబాటులో ఉంటుందని మేకర్స్ వెల్లడించారు. ఫుల్ యాక్షన్ నేపథ్యంలో వచ్చిన ఈ సినిమాలో కన్నడ నటుడు శివరాజ్ కుమార్, మోహల్ లాల్, తమన్నా, రమ్యకృష్ణ కీలకపాత్రలు పోషించారు.
చాలా కాలం తర్వాత రజినీకి జైలర్‌తో సాలిడ్ కంబ్యాక్ వచ్చింది. సన్ పిక్చర్స్ బ్యానర్ పై కళానిధి మారన్ ఈ చిత్రాన్ని నిర్మించగా.. అనిరుధ్ రవిచందర్ సంగీతం అందించారు.మరి ఓటీటీలో జైలర్ ఎన్ని సంచలనాలు నమోదుచేస్తుందో వేచిచూడాలి..
Also Read:KTR:ఇది తెలంగాణ జలశక్తి
