రాజశేఖర్ కథానాయకుడిగా ప్రవీణ్ సత్తారు దర్శకత్వంలో ‘పీఎస్వీ గరుడ వేగ’ తెరకెక్కుతోంది. రూ. 25 కోట్ల బడ్జెట్ తో రూపొందుతోన్న ఈ సస్పెన్స్ థ్రిల్లర్ షూటింగ్ చాలావరకూ పూర్తయింది. నేడు సాయంత్రం 5 గంటలకు ఫేస్ బుక్ .. ట్విట్టర్ ద్వారా ఈ సినిమా టీజర్ ను రిలీజ్ చేయనున్నారు.
రానా దగ్గుబాటి.. కాజల్ అగర్వాల్.. తాప్సి పన్ను.. మంచు లక్ష్మి ఈ నలుగురు ఒకేసారి తమ ట్విట్టర్.. ఫేస్ బుక్ అకౌంట్ల ద్వారా టీజర్ లాంచ్ చేస్తారట. మరి ముగ్గురూ మూడు రకాల టీజర్లు రిలీజ్ చేస్తారా.. లేక ఒకే టీజర్ ను నలుగురు లాంచ్ చేస్తారా అన్నది చూడాలి. ఇలా నలుగురు పేరున్న సెలబ్రెటీల్ని టీజర్ లాంచ్ కోసం ఒప్పించడంలో రాజశేఖర్ బాగానే సక్సెస్ అయ్యాడు. ఈ టీజర్ ను వీరి చేతుల మీదుగా రిలీజ్ చేయించడం వలన, అందరి దృష్టి ఈ సినిమా వైపు మళ్లుతుందనే ఉద్దేశంతో ఇలా ప్లాన్ చేశారు.
ఈ సందర్భంగా దర్శకుడు ప్రవీణ్ సత్తారు మాట్లాడుతూ ‘‘ఉగ్రవాదం అంటే అభం శుభం తెలియని జనాన్ని చంపడమే కాదు, యువతను పెడతోవ పట్టించడం, మన దేశ సంపదను విదేశాలకు తరలించడం కూడా. అటువంటి దుష్టశక్తుల్ని చట్టానికి పట్టించే అధికారిగా రాజశేఖర్ నటిస్తున్నారు. శ్రద్ధాదాస్‌, పూజా కుమార్‌ల పాత్రలూ కథలో కీలకమే. ఇటీవల ఒకొక్క పాత్రనీ పరిచయం చేస్తూ కొన్ని ఫస్ట్‌లుక్‌లను విడుదల చేశాం. వాటికి మంచి స్పందన వస్తోంది. త్వరలోనే ఈ చిత్రాన్ని ప్రేక్షకుల ముందుకు తీసుకొస్తామ’’న్నారు. పూజా కుమార్ కథానాయికగా నటిస్తోన్న ఈ సినిమాలో, సన్నీలియోన్ ఐటమ్ సాంగ్ చేయడం విశేషం.
