టాలీవుడ్‌ డైరెక్టర్ రాధాకృష్ణ కుమార్ దర్శకత్వంలో పాన్‌ ఇండియా స్టార్ ప్రభాస్, పూజా హెగే జంటగా నటించిన చిత్రం ‘రాధే శ్యామ్’. యూవీ క్రియేషన్స్ భారీ బడ్జెట్‌తో నిర్మిస్తున్న ఈ సినిమా మార్చి 11న ప్రేక్షకుల ముందుకురానుంది. ఇండియన్ ఐదు భాషలతో పాటు చైనీస్, జాపనీస్ భాషల్లోనూ రిలీజ్ కానుంది. దీంతో సినిమాపై భారీ అంచనాలు నెలకొన్నాయి.
ప్రభాస్ సరసన పూజా హెగ్డే హీరోయిన్‌గా నటించగా ఈ సినిమా కోసం దర్శక దిగ్గజం రాజమౌళి రంగంలోకి దిగారు.పలు భాషలకు చెందిన సినీ ప్రముఖులతో వాయిస్ ఓవర్ చెప్పించగా తెలుగు వెర్షన్‌కు రాజమౌళి వాయిస్ ఓవర్ ఇచ్చారు.
ఇప్పటికే హిందీ వెర్షన్‌కు అమితాబ్‌ బచ్చన్‌ వాయిస్ ఓవర్ ఇవ్వగా ,కన్నడ వెర్షన్‌కు హీరో శివరాజ్‌కుమార్‌, మలయాళ వెర్షన్‌కు హీరో పృథ్వీరాజ్‌ సుకుమారన్‌ వాయిస్ ఓవర్ ఇచ్చారు. ఈ చిత్రానికి రాధాకృష్ణ కుమార్ దర్శకుడు. భూషణ్‌కుమార్‌, వంశీ, ప్రమోద్‌, ప్రసీద నిర్మాతలు.
