 అధినేత){kind=link}
ఎన్నికల ఫలితాల్లో ఎదురైన ఎదురుదెబ్బ తర్వాత కూడా మరాఠీ ఆత్మగౌరవం కోసం పోరాటం కొనసాగుతుందని మహారాష్ట్ర నవనిర్మాణ్ సేన (ఎంఎన్ఎస్) అధినేత రాజ్ ఠాక్రే స్పష్టం చేశారు. శనివారం (జనవరి 17) ఎంఎన్ఎస్, శివసేన నుంచి ఎన్నికైన కార్పొరేటర్లను ఆయన అభినందిస్తూ, ఈ మున్సిపల్ ఎన్నికలను అపారమైన ధనం, అధికార యంత్రాంగానికి ఎదురుగా నిలిచిన “శివశక్తి” పోరాటంగా అభివర్ణించారు.
మొదటిగా, ఎంఎన్ఎస్, శివసేన నుంచి ఎన్నికైన ప్రతి కార్పొరేటర్కు హృదయపూర్వక అభినందనలు అని రాజ్ ఠాక్రే అన్నారు. ఈ ఎన్నికలు సులువు కాదు. అపారమైన ఆర్థిక బలం, అధికార శక్తికి ఎదురుగా మా కార్యకర్తలు వీరోచితంగా పోరాడారు. వారి పోరాటానికి ఎంత ప్రశంసలు చేసినా తక్కువే. ఎంఎన్ఎస్ ఫలితాలపై స్పందిస్తూ ఆయన, “మేము లక్ష్యాలను చేరుకోలేకపోయినందుకు బాధపడుతున్నాం. కానీ మేము విరగడము కాదు. గెలిచిన మా కార్పొరేటర్లు తమ వార్డుల్లో పాలకులకు గట్టి సవాలు విసిరి, మరాఠీ ప్రజలపై ఏ అన్యాయం జరిగినా ప్రశ్నిస్తారు అని అన్నారు.
ఎంఎన్ఎస్ ప్రధాన లక్ష్యాన్ని మరోసారి గుర్తు చేస్తూ..మరాఠీ మనుషుల కోసం, మరాఠీ భాష కోసం, గర్వం కోసం, సంపన్నమైన మహారాష్ట్ర కోసం మా పోరాటం. ఇదే మా అస్తిత్వం. ఇటువంటి పోరాటాలు దీర్ఘకాలం సాగేవే అని చెప్పారు. తమ లోపాలు, చేజారిన అవకాశాలను విశ్లేషించి ముందడుగు వేస్తామని ఆయన హామీ ఇచ్చారు. పాలకులు, వారి మిత్రులు ముంబై మెట్రోపాలిటన్ రీజియన్లో గానీ, రాష్ట్రవ్యాప్తంగా గానీ మరాఠీ ప్రజలకు నష్టం చేయడానికి అవకాశాలు వదులుకోరు. కాబట్టి మనం సమాజంతో గట్టిగా నిలబడాలి. ఎన్నికలు వస్తాయి–పోతాయి, కానీ మరాఠీ ఆత్మ మనలో శాశ్వతం అని రాజ్ ఠాక్రే వ్యాఖ్యానించారు. చివరగా త్వరలోనే కలుద్దాం. మళ్లీ పనిలోకి దిగుదాం–పార్టీని, సంస్థను మళ్లీ కొత్తగా నిర్మిద్దాం అని కార్యకర్తలకు పిలుపునిచ్చారు.
Also Read:ఈడీ సోదాలు..కోట్ల రూపాయలు స్వాధీనం