సినిమాలకు గుడ్‌బై చెప్పిన రాహుల్ రామకృష్ణ..!

సినిమాలకు గుడ్ బై చెప్పారు కమెడీయన్ రాహుల్ రామకృష్ణ. ఇక మీదట సినిమాల్లో నటించనని వెల్లడించాడు. 2022 వరకు మాత్రమే సినిమాల్లో నటిస్తానని, ఆ తర్వాత నటనకు దూరం అవుతానని ట్విటర్‌ వేదికగా ప్రకటించాడు. ఎవ్వరేమన్నా తను ఇదే నిర్ణయానికి కట్టుబడి ఉంటానని వెల్లడించాడు.

అయితే రాహుల్ రామకృష్ణ చేసిన ట్వీట్‌ నెట్టింట్లో వైరల్‌గా మారగా ఇదంతా ప్రాంక్‌ కదా, ఇదేదో వెబ్‌సిరీస్‌ ప్రమోషన్‌ అయ్యుంటుంది అని నెటిజన్లు కామెంట్లు చేస్తున్నారు.

జయమ్ము నిశ్చయమ్మురా సినిమాతో తెరంగేట్రం చేసిన రాహుల్‌ ‘అర్జున్‌ రెడ్డి’లో విజయ్‌ దేవరకొండ స్నేహితుడి పాత్రలో ఆకట్టుకున్నాడు. ఆ తర్వాత ‘జాతిరత్నాలు’, ‘కల్కి’, ‘స్కైలాబ్‌’ చిత్రాల్లోనూ నటించి మెప్పించాడు.