మే 6,7 తేదీల్లో రాష్ట్రంలో రాహుల్ గాంధీ పర్యటించనున్న సంగతి తెలిసిందే. ఈ నేపథ్యంలో రాహుల్ టూర్ షెడ్యూల్ ఖారరైంది. మే 6వ తేదీ సాయంత్రం 4 గంటలకు ప్రత్యేక విమానంలో శంషాబాద్ విమానాశ్రయానికి చేరుకోనున్నారు.
అనంతరం అక్కడినుండి నేరుగా హెలకాప్టర్‌లో వరంగల్‌లో రైతు సంఘర్షణ సభకు హాజరుకానున్నారు. రాత్రి 7 గంటలకు రాహుల్ ప్రసంగం ప్రారంభంకానుంది.సభ అనంతరం రోడ్డు మార్గం ద్వారా హైదరాబాద్ చేరుకోనున్నారు. దుర్గం చెరువు పక్కనే ఉన్న కోహినూర్ హోటల్ లో రాహుల్ కు బస ఏర్పాటుచేశారు.
మే 7న ఉదయం కాంగ్రెస్ ముఖ్యనేతలతో కలిసి కోహినూర్ హోటల్లో బ్రేక్ ఫాస్ట్ చేయనున్నారు. గాంధీభవన్ లో 200 మంది ముఖ్యనేతలతో సమావేశం,డిజిటల్ మెంబర్ షిప్ ఫొటో సెషన్ లో పాల్గొననున్నారు. తెలంగాణ అమరవీరులతో కలిసి భోజనం చేయనున్న రాహుల్…సాయంత్రం 4 గంటలకు శంషాబాద్ విమానాశ్రయం నుంచి ఢిల్లీకి పయనం కానున్నారు.
