మళ్లీ పప్పులో కాలేసిన రాహుల్‌..!

కాంగ్రెస్ అధ్యక్షుడు రాహుల్‌గాంధీ మరోసారి పప్పులో కాలేశారు. మిజోరంలో కొందరు బాలికలను అభినందిస్తూ…మిజోరం బదులు మణిపూర్ అని ఫేస్ బుక్ లో పోస్టు చేశారు. ఈ పొరపాటను వెంటనే పసిగట్టిన బీజేపీ నేత అమిత్ మాలవీయ..రాహుల్‌పై సెటైర్ వేశారు.

ఈశాన్య రాష్ర్టాల గురించి రాహుల్‌కు ఏమీ తెలియదని దీనిని బట్టి అర్థమవుతున్నదని, ఈ పొరపాటే చాలా సమస్యాత్మకమైనదని అమిత్ ట్వీట్ చేశారు. కాంగ్రెస్ అధ్యక్షుడిగా ఉన్నంత వరకు ఈశాన్య భారతంలో మణిపూర్, మిజోరం వేర్వేరు రాష్ట్రాలని గుర్తుంచుకుంటా అని వందసార్లు రాయండి అంటూ ఎద్దేవా చేశారు. కాంగ్రెస్ వెంటనే ఆ ట్వీట్‌ను తొలగించినా.. బీజేపీ మాత్రం తన దాడిని కొనసాగించింది.