టెస్టు కెప్టెన్‌గా రహానే..

న్యూజిలాండ్‌తో జరిగే టెస్టు సిరీస్‌కు కెప్టెన్‌గా ఎంపికయ్యారు అజింక్యా రహానే. టీ 20 వరల్డ్‌ కప్ తర్వాత కోహ్లీకి విశ్రాంతి నివ్వడంతో తొలి టెస్టుకు రహానే కెప్టెన్‌గా వ్యవహరించనున్నాడు. ఇక రెండో టెస్టు నుండి విరాట్ అందుబాటులోకి రానున్నాడు.

టెస్టు సిరీస్‌కు రోహిత్ శర్మతో పాటు బుమ్రా, షమీ, శార్దూల్ ఠాకూర్, రిషబ్ పంత్ కూడా దూరంగా ఉండనున్నట్లు సమాచారం. ఇప్పటికే వారు ఈ విషయాన్ని బీసీసీఐ దృష్టికి తీసుకువెళ్లినట్లు తెలుస్తోంది.

టీ20 ప్రపంచకప్ ముగియగానే న్యూజిలాండ్ జట్టు భారత్‌లో పర్యటించనుంది. ఈ సందర్భంగా మూడు టీ20లు, రెండు టెస్టులు ఆడనుంది. టీ20లకు కెప్టెన్‌గా రోహిత్ శర్మ ఎంపికైన సంగతి తెలిసిందే.