‘రాధేశ్యామ్’ రిలీజ్ ట్రైలర్.. ప్రభాస్ పెర్ఫార్మెన్స్ వేరేలెవల్‌..

ప్రభాస్, పూజా హెగ్డే హీరో హీరోయిన్లుగా నటించిన రొమాంటిక్ యాక్షన్ థ్రిల్లర్ ‘రాధేశ్యామ్’. యూవీ క్రియేషన్స్, టీ సిరీస్ సంయుక్త నిర్మాణంలో రాధాకృష్ణ కుమార్ దర్శకత్వంలో ఈ సినిమా తెరకెక్కుతోంది. మార్చ్ 11న ప్రపంచ వ్యాప్తంగా ఈ సినిమా థియేటర్స్ లో విడుదల కానుంది. ఈ నేపథ్యంలో ఈ సినిమా ప్రమోషన్స్ షూరు చేశారు మేకర్స్, అందులో భాగంగానే ఈ సినిమా నుంచి మరో ఆసక్తికర ట్రైలర్‌ను రిలీజ్ చేశారు. ప్రస్తుతం నెట్టింట్లో ఈ రిలీజ్ ట్రైలర్ తెగ వైరల్ అవుతోంది.

ఇందులో పామిస్ట్రీ పండితుడిగా ప్రభాస్ నటిస్తుండగా.. అతడికి గురువులాంటి పరమహంస పాత్రలో రెబల్ స్టార్ కృష్ణంరాజు అలరించబోతున్నారు. ‘ప్రేమకి, విధికి మధ్య జరిగే యుద్ధమే’ అని ట్రైలర్ చూస్తే అనిపిస్తోంది. మొత్తం మీద రాధేశ్యామ్ రిలీజ్ ట్రైలర్ తో అంచనాల్ని మరింతగా పెంచేశారు మేకర్స్.