వైసీపీలోకి పొట్లూరి,టీడీపీ ఎంపీ తోట

సార్వత్రిక ఎన్నికలు సమీపిస్తున్న కొద్ది టీడీపీకి వరుస ఎదురుదెబ్బలు తగులుతూనే ఉన్నాయి. ఇప్పటికే పలువురు సినీ ప్రముఖులు,టీడీపీ ఎంపీలు,ఎమ్మెల్యేలు వైసీపీలోకి క్యూ కడుతుండగా తాజాగా ప్రముఖ పారిశ్రామిక వేత్త,సినీ నిర్మాత పొట్లూరి వరప్రసాద్(పీవీపీ),సినీ నటుడు రాజా రవీంద్ర,టీడీపీ ఎంపీ తోట నరసింహం జగన్‌ సమక్షంలో వైసీపీలో చేరారు. లోటస్‌పౌండ్‌లో వీరందరికి పార్టీ కండువా కప్పి ఆహ్వానించారు జగన్‌.

వరప్రసాద్‌ను విజయవాడ లోక్‌సభ స్థానం నుంచి బరిలోకి దించాలని జగన్ భావిస్తున్నట్లు ఆ పార్టీ వర్గాలు తెలిపాయి. ఇప్పటికే పృథ్వి, కృష్ణుడు, భానుచందర్, జయసుధ, అలీ వంటి నటులు వైసీపీ తీర్ధం పుచ్చుకున్న విష‌యం తెలిసిందే.

ఇక కాకినాడ ఎంపీ తోట నరసింహం భార్య వాణి పెద్దాపురం అసెంబ్లీ నుండి పోటీచేయనున్నాట్లు తెలుస్తోంది. మొత్తంగా ఎన్నికల నోటిఫికేషన్ వెలువడే సరికి మరికొంతమంది టీడీపీ నేతలు వైసీపీలోకి క్యూ కట్టనున్నట్లు తెలుస్తోంది.