‘పుష్ప’షూటింగ్ షురూ.. వీడియో

అలా వైకుంటపురములో చిత్రం తర్వాత హీరో అల్లు అర్జున్‌ నటిస్తున్న చిత్రం ‘పుష్ప’. అయితే కరోనా విజృంభణ నేపథ్యంలో షూటింగులు ఆగిపోవడంతో కొన్ని నెలల పాటు ఇంటి వద్దే గడిపిన అల్లు అర్జున్ ప్రస్తుతం మళ్లీ షూటింగులో పాల్గొనేందుకు సిద్ధమయ్యాడు. మంగళవారం నుంచి ఈ సినిమా మళ్లీ సెట్స్ మీదకు వెళ్లబోతుందని నిర్మాణ సంస్థ మైత్రీ మూవీ మేకర్స్ తమ ట్విట్టర్ ద్వారా అధికారికంగా ప్రకటించింది. ఈ సందర్భంగా ఓ వీడియోను విడుదల చేసింది.

దర్శకుడు సుకుమార్‌తో పాటు అల్లు అర్జున్, ఇతర యూనిట్ సభ్యులు ఇందులో ఉన్నారు. ఈ సినిమా షూటింగ్ మారేడుమిల్లి అటవీ ప్రాంతంలో జరగబోతుంది. ఈ సినిమాలో రష్మిక హీరోయిన్‌గా నటిస్తుండగా, దేవిశ్రీ ప్రసాద్ స్వరాలు సమకూర్చుతున్నారు. తెలుగుతో పాటు తమిళ, మలయాళ, కన్నడ, హిందీ భాషల్లో ఈ సినిమాను విడుదల కాబోతుంది.