ఐకాన్ స్టార్ అల్లు అర్జున్, దర్శకుడు సుకుమార్ కాంబినేషన్లో తెరకెక్కుతోన్న హ్యాట్రిక్ చిత్రం ‘పుష్ప’. మైత్రీ మూవీ మేకర్స్, ముత్తంశెట్టి మీడియా కలిసి భారీ బడ్జెట్‌తో నిర్మిస్తున్నారు. ఈ సినిమాను రెండు పార్ట్స్గా తెరకెక్కిస్తుండగా.. మొదటి భాగమైన ‘పుష్ప ది రైజ్’ను డిసెంబరు 17న థియేటర్లలో విడుదల చేయనుంది చిత్రబృందం. రిలీజ్ డేట్ దగ్గరు పడనుండడం వల్ల సినిమా ప్రమోషన్స్లో జోరు చూపిస్తున్నారు.
ఈ నేపథ్యంలో తాజాగా ఈ సినిమా నుంచి నాలుగో పాట‌గా ‘ఏ బిడ్డ ఇది నా అడ్డ’ను న‌వంబ‌ర్ 19న విడుదల చేయ‌బోతున్న‌ట్లు పోస్ట‌ర్‌ను విడుదల చేశారు.ఈ పోస్ట‌ర్‌ను గ‌మ‌నిస్తే అందులో బ‌న్నీ గుబురు గ‌డ్డం, పొడ‌వైన జుట్టుతో ఎర్ర‌టి నిలువు బొట్టు పెట్టుకుని సోఫాలో స్టైల్‌గా కూర్చున్నాడు. ప్ర‌స్తుతం ఈ పోస్ట‌ర్ నెట్టింట తెగ వైర‌ల్ అవుతుంది. తెలుగులో పాటు త‌మిళ, క‌న్న‌డ, మ‌ల‌యాళ, హిందీ భాష‌ల్లో ఈ పాట విడుద‌ల‌వుతుంది. రాక్‌స్టార్ దేవిశ్రీ ప్ర‌సాద్ సంగీతం అందిస్తున్నారు.
