హీరో రామ్ కొంత కాలంగా ప్లాప్ ల‌తో స‌త‌మ‌త‌మ‌వుతున్నాడు. ఇటివ‌లే విడులైన హ‌లో గురు ప్రేమ‌కోస‌మే సినిమా కూడా అనుకున్నంతగా ఆడ‌లేదు. ల‌వ్ ప‌రంగా సినిమాకు మంచి మార్కులే వ‌చ్చినా వ‌సూళ్ల‌ను మాత్రం రాబ‌ట్టేలేక‌పోయింది. నేను శైల‌జ చిత్రం త‌రువాత ఆయ‌న‌కు మ‌ళ్లీఅంత పెద్ద విజ‌యం రాలేదు. దాంతో ఆయన మంచి కథ కోసం వెయిట్ చేస్తూ కొంత గ్యాప్ తీసుకున్నాడు.రీసెంట్ గా పూరి జగన్నాథ్ ఒక కథ వినిపించగా, రామ్ కి ఆ కథ బాగా నచ్చేసింది. దాంతో ఆయనకి గ్రీన్ సిగ్నల్ ఇచ్చేశాడు.
ఈ ప్రాజెక్టుకి సంబంధించిన పనులతోనే ఇప్పుడు పూరి ఫుల్ బిజీగా వున్నాడు. పూరీ ప్ర‌స్తుతం ప్రీ ప్రొడ‌క్ష‌న్ ప‌నుల్లో బిజీగా ఉన్నాడు. జ‌న‌వ‌రి నుంచి ఈసినిమా రెగ్యూల‌ర్ షూటింగ్ ను ప్రాంర‌భించ‌నున్నారు. మే నెలలో ఈ సినిమాను విడుదల చేయనున్నట్లు తెలుస్తుంది. పూరి సొంత బ్యాన‌ర్ లో ఈచిత్రాన్ని నిర్మిస్తున్నారు. ఈమూవీలో న‌టించే న‌టీనటుల‌కు సంబంధించిన వివ‌రాల‌ను త్వ‌ర‌లోనే ప్ర‌క‌టించ‌నున్న‌ట్లు స‌మాచారం. గ‌త కొంత కాలంగా పూరీకి స‌రైన హిట్ లేక స‌త‌మ‌త‌మ‌వుతున్నాడు. ఈసినిమాతో అయినా హిట్ కొడ‌తాడో లేదో చూడాలి.
