విజయ్ దేవరకొండ హీరోగా పూరి జగన్నాథ్ దర్శకత్వంలో తెరకెక్కిన చిత్రం లైగర్. ఈ నెల 25న సినిమా ప్రపంచవ్యాప్తంగా ప్రేక్షకుల ముందుకురానుండగా వరంగల్‌లో నిర్వహించిన లైగర్ ఫ్యాన్‌డమ్ ఈవెంట్‌కు అతిథిగా హాజరయ్యారు మంత్రి ఎర్రబెల్లి దయాకర్ రావు.
ఈ సందర్భంగా మాట్లాడిన పూరి…విజయ్ సినిమాల్లోనే హీరో కాదు బయట కూడా హీరోనే. కోటి రూపాయలు ఇస్తే సినిమాకు ఖర్చు పెట్టండి తరువాత తీసుకుంటాను అని అంటాడు. రెండు కోట్లు పంపిస్తే మీకు అప్పులు ఉన్నాయి కదా ఫస్ట్ అవి కట్టండి అని అంటాడు. ఇలాంటి హీరో ఎక్కడ ఉంటారయ్యా. విజయ్ ఫాదర్ నాకు ఫ్రెండ్. ఈ సినిమా ముందు విజయ్ ని నా కొడుకు అనుకుని మంచి సినిమా తీయమని అన్నాడు. కానీ విజయ్ నన్ను తండ్రిలా చూసుకున్నాడు. నేను కష్టాల్లో ఉన్నప్పుడు ఆదుకున్నాడన్నారు.
లైగర్ ఆగస్ట్ 25న రిలీజ్ కాబోతోంది. కరణ్ జోహర్‌కు థ్యాంక్స్. కింగ్ ఆఫ్ బాలీవుడ్. రాజులా బతుకుతాడు. ఆయనే మాకు సపోర్ట్ చేశారన్నారు. అర్జున్ రెడ్డి సినిమా చూశాను. ఓ 45 నిమిషాలు చూసి ఆపేశాను. డైరెక్షన్ బాగుంది, కానీ నేను మాత్రం విజయ్ గురించి ఆలోచిస్తుండిపోయా. తెరపై యాక్టింగ్‌లోనే కాదు బయట కూడా నిజాయితీగా ఉంటారన్నారు.
