మలయాళ విలక్షణ నటుడు పృథ్వీరాజ్ సుకుమారన్ నటిస్తోన్న సర్వైవల్‌ డ్రామా ఆడుజీవితం. చిన్న చిన్న సబ్జెక్ట్‌లతో మైండ్ బ్లోయింగ్‌తో మలయాళ దర్శకులు నిర్మిస్తున్న సంగతి తెలిసిందే. ఈ సినిమాకు ఉత్తమ దర్శకుడిగా జాతీయ అవార్డు అందుకున్న బ్లెస్సీ దర్శకత్వం వహించారు. ప్రస్తుతం ది గోట్ లైఫ్ పేరుతో కూడా ఇంగ్లీష్‌లో విడుదల చేస్తున్నారు. ఇప్పటికే చిత్రీకరణ పూర్తి చేసుకున్న ఈ సినిమా త్వరలోనే ప్రేక్షకుల ముందుకు రానుంది. ఈ సందర్బంగా సినిమా ట్రైలర్‌ను విడుదల చేశారు. పొట్టకూటి కోసం సౌదీకి వలస వెళ్లిన నజీబ్ మొహమ్మద్‌ అనే మలయాళీ ఎన్ని కష్టాలు పడ్డారు? బానిస బతుకు నుంచి బయటపడేందుకు ఎడారి బాట పట్టిన అతడు ఎలా బతికాడు? అనే ఇతివృత్తంతో ఈ సినిమాను తెరకెక్కించారు.
బెన్ని డానియల్‌ రాసిన నవల ఆడు జీవితం ఆధారంగానే బ్లెస్సీ ఈ సినిమాను తీర్చిదిద్దారు. ఈ సినిమాను వాదీరమ్, జోర్దాన్, సహారా, అల్జీరియా ఎడారుల్లో ఈ సినిమాను చిత్రీకరించారు. అయితే పృథ్వీరాజ్ ఈ సినిమా కోసం మెగాస్టార్‌ చిరంజీవి నటించిన సైరా అవకాశంను కూడా వదులుకున్నట్టుగా మలయాళం ఇండస్ట్రీలో టాక్‌. ఇక ఈ సినిమాలో అమలాపాల్ కథానాయికగా నటిస్తోంది. ఏఆర్ రెహమాన్ సంగీతం అందించనున్నారు. రసూల్ పూకుట్టి సౌండ్ ఇంజినీర్‌గా పనిచేస్తున్నారు. ఈ సినిమాను 3డీలోనూ విడుదల చేసేందుకు సన్నహాలు చేస్తున్నట్టు సమాచారం.
ఇవి కూడా చదవండి…
