ఓటీటీ సినిమాలు..నిర్మాత‌ల సంచ‌ల‌న నిర్ణ‌యం!

క‌రోనా, లాక్ డౌన్ త‌ర్వాత ఓటీటీ సినిమాల‌కు గిరాకీ పెరిగిపోయిన సంగ‌తి తెలిసిందే. దీంతో సినిమాలు విడుద‌లైన నెల‌రోజుల్లోనే ఓటీటీలో స్ట్రీమింగ్ అవుతున్నాయి. అయితే ఇక‌పై అలా కుద‌ర‌దు.

థియేట‌ర్‌లో రిలీజైన 10 వారాల త‌ర్వాతే భారీ సినిమాలు ఓటీటీలోకి రానున్నాయి. ఈ మేర‌కు తెలుగు సినీ నిర్మాత‌ల మండ‌లి కీల‌క నిర్ణ‌యం తీసుకుంది. అయితే ప‌రిమిత బ‌డ్జెట్‌తో తెర‌కెక్కిన సినిమాల‌ను 4 వారాల త‌ర్వాత ఓటీటీకి ఇవ్వొచ్చ‌ని పేర్కొంది. సినిమా ప్ర‌ద‌ర్శ‌న‌కు వీఎఫ్ఎక్స్ చార్జీలను ఎగ్జిబిట‌ర్లే చెల్లించాల‌ని తీర్మానించింది.

సినిమా టికెట్ల ధ‌ర‌ల‌ను సామాన్యుల‌కు అందుబాటులో సీ-క్లాస్ సెంట‌ర్ల‌లో టికెట్ ధ‌ర‌ల‌ను రూ.100, రూ.70 ( జీఎస్టీతో క‌లిపి ) ఉంచాల‌ని ప్ర‌తిపాద‌న‌లు చేసింది. మ‌ల్టీప్లెక్స్‌లో జీఎస్టీతో క‌లిపి రూ.125గా ఉండేలా ప్ర‌తిపాదించింది.