ప్రభాస్ తో సాహో సినిమా తీశాక, తన రేంజ్ మారిపోతుందని కలలు కన్న సుజిత్ కి చివరకి నిరాశే మిగిలింది అని.. దర్శకుడు సుజిత్ పై చాలామంది ట్రోల్స్ చేశారు. అయితే, అదృష్టం బాగుండి.. సుజిత్ కి పవన్ కళ్యాణ్ తో సినిమా చేసే ఛాన్స్ వచ్చింది. అయితే, పవర్ స్టార్ – దర్శకుడు సుజీత్ కాంబినేషన్‌లో తెరకెక్కుతున్న OG మూవీకి సంబంధించి ఓ ఆసక్తికర అప్డేట్ ప్రస్తుతం నెట్టింట వైరల్ గా మారింది.
OG సినిమా షూటింగ్ ఈనెల 16 నుంచి ముంబైలో ప్రారంభం కానుందని టాక్. పవన్, హీరోయిన్ ప్రియాంక అరుల్ మోహన్ ఈ షెడ్యూల్‌లో పాల్గొంటారని.. ముందుగా హీరో హీరోయిన్ల పై ప్రేమ సన్నివేశాలను చిత్రీకరిస్తున్నారని తెలుస్తోంది. యాక్షన్ డ్రామాగా తెరకెక్కనున్న ఈ చిత్రాన్ని DVV దానయ్య నిర్మిస్తుండగా.. అనిరుథ్ స్వరాలు సమకూరుస్తున్నారు. పైగా పవర్ స్టార్ సినీ కెరీర్ లోనే మోస్ట్ వైల్డ్ యాక్షన్ థ్రిల్లర్ గా ఈ చిత్రం రాబోతుంది.
అయితే, ఈ సినిమా షెడ్యూల్స్ విషయంలో ఓ సమస్య ఉంది. సుజిత్ రాసుకున్న యాక్షన్ థ్రిల్లర్ కి పవన్ కళ్యాణ్ ఎక్కువ డేట్స్ కేటాయించాల్సి ఉంది. కానీ, ప్రస్తుతం పవన్ కళ్యాణ్ ఒక సినిమా కోసమే ఎక్కువ డేట్స్ కేటాయించే పరిస్థితి లేదు. హరిహర వీరమల్లు సినిమా అందుకే లేటు అవుతూ వస్తోంది. ఇప్పుడు సుజిత్ సినిమాకి కూడా అదే గతి పడుతుంది అని అంటున్నారు. మరి ఏం అవుతుందో చూడాలి.
ఇవి కూడా చదవండి…
