ప్రగ్యా జైస్వాల్ .. నార్త్ ఇండియాకు చెందిన సుందరి. ఆమె వయసు, ఆ సొగసు… సీనియర్ హీరోలకు జోడిగానే బాగుంటుంది. అందుకే, బాలయ్య సరసన “అఖండ”లో నటించింది. ఐతే, ఆ సినిమా ఆడినా తెలుగులో మరో అవకాశం ఇప్పటివరకు రాలేదు. తాజాగా ఒక కొత్త సినిమాలో ఒక పాత్ర కోసం ప్రగ్యా జైస్వాల్ పేరును పరిశీలిస్తున్నారట. ఈ కొత్త సినిమాలో కూడా 50 దాటిన హీరోనే ఉంటాడు అనేది టాక్. 50 ప్లస్, 60 ప్లస్ హీరోలు మనకు చాలా మందే ఉన్నారు. మరి ఎవరి చిత్రంలో ఈ ప్రగ్యా జైస్వాల్ కి అవకాశం రానుందో.
మరోవైపు, ప్రగ్యా జైస్వాల్ ఇన్ స్టాగ్రామ్ లో పాపులారిటీ పెంచుకుంటోంది. ప్రతి రోజూ ఈ టాల్ బ్యూటీ కొత్త ఫోటోలు అప్డేట్ చేస్తూ ఉంటుంది. అలా ఫాలోవర్స్ పెరుగుతున్నారు. ఇన్ స్టాగ్రామ్ సంపాదన, బ్రాండ్ ల ద్వారా ఆర్జన బాగానే ఉంది కానీ, సినిమాల్లో నటిస్తేనే క్రేజ్. అందుకే, ప్రగ్యా జైస్వాల్ మళ్ళీ తెలుగులో ఒక అవకాశం పొందేందుకు ప్రయత్నిస్తోంది. ఆ ప్రయత్నాలు ఫలించనట్లే అని అంటున్నారు.
35 ఏళ్ల ఈ సుందరికి తమిళంలో మాత్రం అడపాదడపా అవకాశాలు వస్తూనే ఉన్నాయి. ప్రగ్యా జైస్వాల్ తన విద్యను పూణెలోని సింబయాసిస్ లా స్కూల్ నుంచి పూర్తి చేసింది.సింబయాసిస్ యూనివర్శిటీలో ఆమె తొలి రోజుల్లో అవకాశాల కోసం మోడల్‌ గా టర్న్ తీసుకుంది. ఆ తర్వాత దర్శకుడు క్రిష్ సహకారంతో తెలుగు సినిమాల్లోకి ఎంట్రీ ఇచ్చింది. మొదట్లో బాగానే మంచి పేరు వచ్చినా.. ఆమె కెరీర్ మాత్రం ఆశించిన స్థాయిలో కొనసాగలేదు.
Also Read:గోడకుర్చీ వేస్తే.. ఉపయోగాలు తెలుసా?
