ప్రభాస్… ఇప్పుడు ఈ హీరో టాలీవుడ్‌ లో ఓ రేంజ్‌ లో ఉన్నాడనే చెప్పాలి. ఈ హీరో స్టార్‌డమ్‌ గురించి చెప్పాలంటే.. బాహుబలి తర్వాత… అనే మాట మాత్రం ఖచ్చితంగా వినబడుతుంది. అందులో ఎలాంటి సందేహం లేదు. అయితే ఇప్పుడు ఈ హీరోకి ఫుల్‌ డిమాండ్‌ పెరిగిపోయింది. టాలీవుడ్‌ గర్వపడేలా బాహుబలి సినిమాతో తెలుగు ఖ్యాతిని పెంచిన దర్శకుడు రాజమౌళి. ఈ సినిమాలో తనదైన నటనతో అందరినీ ఆకట్టుకున్నాడు రెబల్‌ స్టార్‌ ప్రభాస్. ఈ సినిమాతోనే ప్రభాస్ డిమాండ్‌ పెరిగిపోయింది.
బాహుబలి ‘ది బిగినింగ్‌’ పూర్తవగానే బాహుబలి 2 ‘ది కంక్లూజ్‌’ తో మళ్ళీ బిజీ అయిపోయాడు ప్రభాస్. అయితే బాహుబలి2 తర్వాత ప్రభాస్ నెక్ట్స్‌ సినిమా ఏంటి అనే ఆలోచనలో ప్రభాస్ ఫ్యాన్స్ ఉప్పుడో పడిపోయారు. బాహుబలి 2 తర్వాత సుజిత్ తో ప్రభాస్ కొత్త సినిమా చేయబోతున్నాడనే విషయం తెలిసింది. కానీ ఆ సినిమాని అధికారికంగా ఎప్పుడు ప్రారంభిస్తారా అని ఎదురుచూశారు ఫ్యాన్స్.
రన్ రాజా రన్ దర్శకుడు సుజిత్ తో ప్రభాస్ కొత్త సినిమా కన్ఫార్మ్‌ అయింది. ఇప్పుడది అఫీషియల్ గా కూడా స్టార్ట్ అయిపోయింది. దీంతో ప్రభాస్ ఫ్యాన్స్ ఫుల్‌ ఖుషీగా ఉన్నారు. ప్రభాస్ తో పాటు దర్శకుడు సుజిత్.. నిర్మాతలు, ఫ్రభాస్ ఫ్రెండ్స్ అయిన వంశీ-ప్రమోద్ లు.. పలువురు స్నేహితులు ఇవాళ ఉదయాన్నే జరిగిన ఈ సినిమా పూజా కార్యక్రమానికి హాజరయ్యారు. దాదాపు 150 కోట్ల రూపాయలతో ఈ సినిమాని నిర్మించబోతున్నారు. ఈ సినిమాలో ఇంటర్నేషనల్ స్టాండర్డ్స్ లో ఓ యాక్షన్ సీక్వెన్స్ ఉంటుందట.
ట్రాన్స్ ఫార్మర్స్ లాంటి హాలీవుడ్ మూవీకి పని చేసిన కెన్నీ బీట్స్ ఆధ్వర్యంలో ఈ యాక్షన్ ఎపిసోడ్ తెరకెక్కబోతోంది. కేవలం ఈ ఒక్క ఎపిసోడ్ కే 25 కోట్లు ఖర్చు చేయనున్నట్లు తెలుస్తోంది. దుబాయ్ లోని బుర్జ్ ఖలీఫా దగ్గర పిక్చరైజ్ చేసే ఈ ఎపిసోడ్.. సినిమాకు హైలెట్ అంటున్నారు. ఈ సినిమా రెగ్యులర్ షూటింగ్ ప్రారంభానికి మరో రెండు నెలలు పడతుందని తెలుస్తోంది. ఇక ఈ సినిమా గురించిన అప్ డేట్స్ మాత్రం అందర్లిలోనూ ఆసక్తి కలిగిస్తున్నాయి.
