ప్రభాస్‌ కొత్త మూవీ టైటిల్‌ ఫిక్స్‌ ?

431
Prabhas And Sujith Movie Title As Sahoo

 దాదాపు నాలుగేళ్ళు బిజీగా ఉన్న ప్రభాస్ ఇటీవలే బాహుబలి సినిమా చిత్ర షూటింగ్ కి గుడ్ బై చెప్పాడు. ఇప్పటి నుండి సంవత్సరానికి రెండు సినిమాలతో ప్రేక్షకుల ముందకు వస్తానని మాటిచ్చాడు. ఈ నేపథ్యంలో తదుపరి నటించాల్సిన సినిమాకు సిద్ధమౌతున్నాడు ప్రభాస్. సుజీత్ దర్శకత్వంలో ప్రభాస్ చేయనున్న సినిమా తెలుగు, తమిళ భాషలలో భారీ బడ్జెట్ చిత్రంగా తెరకెక్కనుందని అంటున్నారు. ఈ మూవీ కోసం ఇప్పటికే తన లుక్ ని పూర్తిగా మార్చేసుకున్నాడు ప్రభాస్.
Prabhas And Sujith Movie Title As Sahoo -
త్వరలోనే సెట్స్ పైకి వెళ్ళనున్న ఈ చిత్రానికి సంబంధించిన ఓ వార్త అభిమానులకూ ఫుల్‌ జోష్‌ ఇచ్చేలా ఉంది.  సుజీత్- ప్రభాస్ కాంబోలో తెరకెక్కనున్న చిత్రాన్ని యువీ క్రియేషన్స్ వారు తెరకెక్కించనుండగా, తాజాగా ఫిలిం ఛాంబర్ లో ‘సాహో’ అనే టైటిల్ ని వారు రిజిస్ట్రేషన్ చేసినట్టు తెలుస్తుంది.

ఈ టైటిల్ ప్రభాస్ మూవీకే అని అంటున్నారు. అందుకు కారణం బాహుబలి2 చిత్రానికి సంబంధించిన మోషన్ పోస్టర్స్ ని బ్యాక్ గ్రౌండ్ లో సాహో అనే ట్రాక్ తో విడుదల చేయగా సాహో అనే పేరు అందరికి దగ్గరైంది. దీంతో ఆ టైటిల్ అయితేనే ప్రభాస్ సినిమాకి బాగుంటుందని యూనిట్ భావిస్తుందట. మరి ఇందులో నిజమెంతో తెలియాలంటే కొద్ది రోజులు ఆగాల్సిందే. ఇక యూవీ క్రియేషన్స్‌ బ్యానర్‌పై భారీ బడ్జెట్‌తో తెరకెక్కనున్న ఈ మూవీని తెలుగు, తమిళం, హిందీలో విడుదల చేయనున్నారు.