కల్కి కృష్ణమూర్తి రాసిన పొన్నియన్ సెల్వన్ నవల ఆధారంగా నిర్మితమైన పీఎస్‌1 శుక్రవారం విడుదలై ఘన విజయం సాధించింది. మణిరత్నం దర్శకత్వంలో వచ్చిన ఈ సినిమా… షియాన్‌ విక్రమ్‌, కార్తి, ఐశ్వర్యరాయ్‌ బచ్చన్‌, జయంరవి, త్రిష, ప్రకాశ్‌రాజ్‌ తదితరులు కీలకపాత్రల్లో నటించారు. మణిరత్నం దశాబ్ధ కాలం క్రీతమే మొదలు పెట్టిన ఈ సినిమా పలు కారణాలతో షూటింగ్‌ ఆగిపోయింది. ఇక మళ్ళీ మూడేళ్ళ క్రీతం కార్యరూపం దాల్చిన ఈ చిత్రం తాజాగా విడులైంది. పొన్నియన్ సెల్వన్ విడుదలకు ముందే ప్రేక్షకుల్లో విపరీతమైన అంచనాలను క్రియేట్‌ చేసింది. అంతేకాకుండా అత్యంత భారీ బడ్జెట్‌తో తెరకెక్కిన ఈ చిత్రం అంతే భారీ స్థాయిలో ఓపెనింగ్స్ రాబట్టింది.
పొన్నియన్ సెల్వన్-1 చిత్రానికి వరల్డ్‌ వైడ్‌గా రూ.130 కోట్ల వరకు థియేట్రికల్‌ బిజినెస్‌ జరిగింది. మొదటి రోజు ఈ చిత్రం రూ. 41.80 కోట్ల వరకు సాధించింది. తమిళ సినిమా చరిత్రలోనే అత్యధిక ఓపెనింగ్స్ రాబట్టిన సినిమాగా పొన్నియన్ సెల్వన్-1 నిలిచింది. ఇదే స్థాయిలో దూసుకుపోతే పొన్నియన్ సెల్వన్ చిత్రం త్వరలోనే బ్రేక్‌ ఈవెన్ పూర్తి చేసుకుని లాభాల బాట పట్టనుంది. తెలుగులో ఈ చిత్రానికి దాదాపు రూ.10 కోట్ల వరకు థియేట్రికల్‌ బిజినెస్‌ జరిగింది. ఫస్ట్‌ డేన ఈ చిత్రం రూ.2.88 కోట్లను కలెక్ట్‌ చేసింది.
