శ్రీలంక టూర్‌లో సంచలనం సృష్టించాడు వెస్టిండీస్ స్టార్ బ్యాట్స్‌మెన్ పొలార్డ్. ఒకే ఓవర్లో ఆరు సిక్స్‌లు బాధి గిబ్స్, యువరాజ్ సరసన నిలిచాడు.శ్రీలంక బౌలర్ అకిల ధనంజయ వేసిన ఒకే ఓవర్లో ఆరు సిక్స్‌లు కొట్టి సత్తా చాటాడు.
టీ20ల్లో ఈ ఘ‌న‌త సాధించిన మూడో బ్యాట్స్‌మ‌న్ పొలార్డ్. అంత‌కు ముందు నెద‌ర్లాండ్స్‌పై గిబ్స్ తొలిసారి ఈ ఘ‌న‌త సాధించ‌గా.. 2007 వ‌ర‌ల్డ్‌క‌ప్‌లో యువరాజ్.. బ్రాడ్ బౌలింగ్‌లోనూ ఆరు సిక్స‌ర్లు బాదాడు.
132 ప‌రుగుల ల‌క్ష్యంతో బ‌రిలోకి విండీస్ 3.1 ఓవర్లో వికెట్ న‌ష్ట‌పోకుండా 52 ప‌రుగులు చేసి మెరుపు ఆరంభాన్ని అందుకుంది. ఈ స‌మ‌యంలో బౌలింగ్‌కు దిగిన ధనంజయ వ‌రుస బంతుల్లో ఎవిన్ లూయిస్‌, క్రిస్ గేల్‌, నికోల‌స్ పూర‌న్‌ను ఔట్ చేసి హ్యాట్రిక్ సాధించాడు. అయితే ఆ ఆనందం ఎక్కువ సేపు నిల‌వ‌లేదు. ఆ త‌ర్వాతి ఓవ‌ర్లోనే పొలార్డ్ అత‌ను వేసిన ఆరు బంతుల్లో ఆరు సిక్స‌ర్లు బాది చుక్కలు చూపించాడు.
