తెలంగాణ పార్లమెంట్ ఎన్నికలు రసవత్తరంగా సాగుతున్నాయి. గెలుపుపై అన్ని పార్టీలు ధీమా వ్యక్తం చేస్తుండగా ఓటర్లు ఎవరి వైపు ఉంటారోనన్నది మరికొద్ది రోజుల్లోనే తేలనుంది. ఇక చేవెళ్ల పార్లమెంట్ ఫలితంపై అంతా ఆసక్తిగా ఎదురుచూస్తున్నారు. కాంగ్రెస్ నుండి రంజిత్ రెడ్డి పోటీ చేస్తుండగా బీజేపీ నుండి కొండా విశ్వేశ్వర్ రెడ్డి,బీఆర్ఎస్ నుండి కాసాని జ్ఞానేశ్వర్ బరిలో ఉన్నారు.
ఇక తాజాగా ఓ సినీ నటి సైతం ఎన్నికల బరిలో నిలిచింది.పొలిమేర 2 ఫేం సాహితీ చేవేళ్ల పార్లమెంట్ స్వతంత్ర అభ్యర్థిగా నామినేషన్ దాఖలు చేశారు. చిన్న వయసులోనే రాజకీయాల్లో సాహితీ రావడం చర్చనీయాంశంగా మారింది. సినిమాల్లోనే మంచి అవకాశాలు వస్తున్న తరుణంలో పాలిటిక్స్ ఏంటా అని కొంతమంది ప్రశ్నిస్తున్నారు.
కాంగ్రెస్ గెలుపు బాధ్యతను భుజాన వేసుకున్నారు సీఎం రేవంత్ రెడ్డి. ఇక బీఆర్ఎస్ తరపున మాజీ మంత్రి సబితా విస్తృతంగా పర్యటిస్తున్నారు. బీజేపీ నుండి కొండా తన బలాన్ని నమ్ముకుని ముందుకు సాగుతున్నారు.
Also Read:కాళీయమర్దనాలంకారంలో కోదండరామస్వామి
