నిర్మాత బండ్ల గణేశ్ అరెస్ట్

సినీ నిర్మాత బండ్ల గణేశ్ ను బంజారాహిల్స్ పోలీసులు అరెస్ట్ చేశారు. కొద్దిరోజుల క్రితం జూబ్లీహిల్స్ లో వైసీపీ నేత పివిపి ఇంట్లో అర్ధరాత్రి నిర్మాత బండ్లగణేష్ తన అనుచరులతో కలిసి వీరంగం సృష్టించిన సంగతి తెలిసిందే. బండ్ల గణేష్‌పై 420, 448, 506r/w, 43 ఐపీసీ సెక్షన్ల కింద కేసు నమోదు చేశారు.

టెంపర్ సినిమాకోసం పివీపీ దగ్గర బండ్ల గణేశ్ తీసుకున్న 30కోట్ల ఫైనాన్స్ లో ఏడుకోట్లు తిరిగి ఇవ్వకపోవడంతో అతనిపై కేసు నమోదు చేశారు పీవీపీ. కాగా ఇన్ని రోజులు బండ్ల గణేశ్ పరారీలో ఉన్నాడు. నేడు తిరిగి హైదరాబాద్ కు రావడంతో అదుపులోకి తీసుకున్నారు పోలీసులు. గతంలో ఆయనపై నమోదైన కేసులను కూడా పోలీసులు విచారించినట్టు సమాచారం.