భారత్‌లో ‘బ్రిక్స్’ సందడి..

న్యూఢిల్లీలో ఈ వారాంతంలో జరగనున్న 18వ బ్రిక్స్ (BRICS) శిఖరాగ్ర సదస్సుకు సన్నాహాలు పూర్తయ్యాయి. ఈ వేడుకల నేపథ్యంలో ప్రధాని నరేంద్ర మోదీ నేడు (శుక్రవారం) రష్యా అధ్యక్షుడు వ్లాదిమిర్ పుతిన్, ఇరాన్ అధ్యక్షుడు మసూద్ పెజెష్కియాన్‌లతో వేర్వేరుగా ద్వైపాక్షిక భేటీలు నిర్వహించనున్నారు.పశ్చిమ దేశాల ఆధిపత్యానికి ప్రత్యామ్నాయంగా, వర్ధమాన ఆర్థిక వ్యవస్థల భాగస్వామ్యం కోసం 2009లో బ్రిక్స్ కూటమి ఏర్పడింది. ప్రస్తుతం ఈ కూటమిలో 11 దేశాలు సభ్యులుగా ఉన్నాయి. ఢిల్లీలోని భారత్ మంటపం వేదికగా సెప్టెంబర్ 12, 13 తేదీల్లో ఈ సదస్సు జరగనుంది.

రష్యా అధ్యక్షుడు పుతిన్, ఇరాన్ అధ్యక్షుడు పెజెష్కియాన్ సహా, ఆరేళ్ల విరామం తర్వాత భారత్‌కు వస్తున్న చైనా అధ్యక్షుడు షీ జిన్‌పింగ్ కూడా ఈ వేదికపై ప్రధాని మోదీతో ద్వైపాక్షిక చర్చలు జరిపే అవకాశం ఉంది.బ్రెజిల్, రష్యా, భారత్, చైనా, దక్షిణాఫ్రికా, ఈజిప్ట్, ఇథియోపియా, ఇండోనేషియా, ఇరాన్, సౌదీ అరేబియా మరియు యునైటెడ్ అరబ్ ఎమిరేట్స్ (UAE).దక్షిణాఫ్రికా అధ్యక్షుడు సిరిల్ రామఫోసా, ఈజిప్ట్ అధ్యక్షుడు అబ్దెల్ ఫత్తాహ్ అల్-సిసి, ఇండోనేషియా అధ్యక్షుడు ప్రబోవో సుబియాంటో, ఇథియోపియా ప్రధాని అబియ్ అహ్మద్, మలేషియా ప్రధాని అన్వర్ ఇబ్రహీంతో పాటు ఐక్యరాజ్యసమితి ప్రధాన కార్యదర్శి ఆంటోనియో గుటెర్రెస్ కూడా పాల్గొననున్నారు.

బ్రిక్స్ శిఖరాగ్ర సదస్సు షెడ్యూల్ (భారత్ మంటపం)
శుక్రవారం, సెప్టెంబర్ 11, 2026
ఉదయం 9:30 – 10:15: ప్రారంభ సమావేశం

ఉదయం 10:30 – మధ్యాహ్నం 2:35: థీమాటిక్ సెషన్

మధ్యాహ్నం 3:30 – సాయంత్రం 4:30: భారత్ బ్రిక్స్ ప్రయాణంపై ప్రత్యేక ప్రదర్శన

సాయంత్రం 5:00 – 6:00: అధినేతల సమావేశం (వివిధ నేతలతో ప్రధాని ద్వైపాక్షిక భేటీలు)

శనివారం, సెప్టెంబర్ 12, 2026
మధ్యాహ్నం 2:00: బ్రిక్స్ సభ్యదేశాల అధినేతల రాక

మధ్యాహ్నం 2:35: మూసివున్న గదిలో సమావేశం (“సమగ్ర ప్రపంచ పాలన & బహుపక్షీయాభివృద్ధి”)

సాయంత్రం 4:25: ‘భారత్ ఇన్నోవేట్స్’ ఎగ్జిబిషన్ సందర్శన

సాయంత్రం 5:05: గ్రూప్ ఫొటో & సంయుక్త మొక్కల నాటే కార్యక్రమం

రాత్రి 7:30: ప్రధాని మోదీ అతిథులకు ఇచ్చే అధికారిక విందు (Gala Dinner)

ఆదివారం, సెప్టెంబర్ 13, 2026
ఉదయం 9:55: భాగస్వామ్య దేశాలు & ప్రత్యేక ఆహ్వానితుల రాక

ఉదయం 10:35: ఫొటో సెషన్

Also Read;KTR:కోటి ఎకరాలు నిషేధిత జాబితాలో

ఉదయం 10:50: ఓపెన్ సెషన్ (“స్థిరత్వం, ఆవిష్కరణలు, సహకారం: ప్రపంచ వృద్ధికి కొత్త బాటలు”)

గ్లోబల్ లీడర్ల రాకతో దేశ రాజధాని ఢిల్లీలో హైఅలర్ట్ ప్రకటించారు. సుమారు 15,000 మంది ఢిల్లీ పోలీసులు, 200 పారామిలిటరీ కంపెనీలను భద్రతకు కేటాయించారు.
నగరం వ్యాప్తంగా, ముఖ్యంగా న్యూఢిల్లీ జోన్‌లో 500కు పైగా హై-రెజల్యూషన్ మరియు ఫేషియల్ రికగ్నిషన్ కెమెరాలతో నిఘా ఏర్పాటు చేశారు. మధురా రోడ్డు, సర్దార్ పటేల్ మార్గ్, శాంతిపథ్, జన్పథ్, అశోకా రోడ్డు సహా 35కి పైగా ప్రధాన రహదారుల్లో విఐపి కాన్వాయ్‌ల కదలికల దృష్ట్యా తాత్కాలిక ట్రాఫిక్ నిలిపివేతలు మరియు మళ్లింపులు ఉంటాయి. పౌరులకు తక్కువ ఇబ్బంది కలిగేలా చర్యలు తీసుకున్నట్లు అధికారులు తెలిపారు.