మహారాష్ట్ర ఉప ముఖ్యమంత్రి మరియు ఎన్సీపీ నేత అజిత్ పావార్ బుధవారం బరామతి విమానాశ్రయంలో ల్యాండింగ్ సమయంలో జరిగిన విమాన ప్రమాదంలో మరణించిన సంగతి తెలిసిందే. ఇక ఇవాళ ఆయన అంత్యక్రియలు జరగనుండగా ప్రధానమంత్రి నరేంద్ర మోదీ హాజరుకానున్నారు.
అజిత్ పవార్ పార్థివ దేహాన్ని చూసేందుకు బరామతిలోని విద్యా ప్రతిష్ఠాన్కు తీసుకెళ్లగా, వేలాది మంది ప్రజలు చివరి చూపు కోసం తరలివచ్చారు. ఇవాళ ఆయన అంత్యక్రియలు మహారాష్ట్ర ప్రభుత్వం గౌరవ లాంఛనాలతో నిర్వహించనుండగా ప్రధాని మోదీ, అమిత్ షా సహా పలువురు నేతలు బరామతికి వెళ్లి నివాళులు అర్పించనున్నారు.
అధికారుల ప్రకారం, చిన్న చార్టర్డ్ విమానం ఉదయం 8 గంటలకు ముంబై నుంచి బయలుదేరి, సుమారు 45 నిమిషాల తర్వాత బరామతి విమానాశ్రయం సమీపంలో ల్యాండింగ్ ప్రయత్నంలో కూలిపోయింది. అజిత్ పావార్తో పాటు మరో నలుగురు ప్రయాణికులు ఉన్నారు. ఎవ్వరూ బతకలేదు.
ఎన్సీపీ (SP) అధ్యక్షుడు శరద్ పావార్ ఈ ప్రమాదం పూర్తిగా యాదృచ్ఛికమని, దీనిపై రాజకీయాలు చేయకూడదని స్పష్టం చేశారు.CM ఫడ్నవీస్, CM శిండే బరామతిలో సునేత్రా పావార్ను కలసి సంతాపం తెలిపారు. రాష్ట్ర ప్రభుత్వం మూడు రోజుల రాష్ట్ర దుఃఖాన్ని ప్రకటించింది.BMC ఒక రోజు సెలవు ప్రకటించింది.
Also Read:BRS:లక్ష సంతకాల సేకరణ