మరోసారి భగ్గుమన్న పెట్రోల్ ధరలు!

పెట్రో ధరలు ఆల్ టైం హైకి చేరాయి. వరుసగా పెరుగుతున్న పెట్రోల్ ధరలతో వినియోగదారులకు చుక్కలు కనిపిస్తున్నాయి. రోజువారి సమీక్షలో భాగంగా ఇవాళ 25 పైసలు పెంచుతూ నిర్ణయం తీసుకున్నాయి చమురు కంపెనీలు.

తాజా పెంపుతో ఢిల్లీతోపాటు, దేశవ్యాప్తంగా పెట్రోల్‌, డీజిల్‌ ధరలు రికార్డుస్థాయికి చేరాయి. హైదరాబాద్‌లో లీటర్‌ పెట్రోల్‌ ధర రూ.90 కి చేరువకాగా అమరావతిలో 92కి చేరాయి. ఢిల్లీలో లీటరు పెట్రోల్‌ రూ.85.70కి చేరగా ముంబైలో రికార్డు స్థాయిలో రూ.92.28గా ఉంది. హైదరాబాద్‌లోనూ 26పైసలు పెరిగి రూ.89.15కు చేరింది.