గ్రీన్ ఛాలెంజ్‌లో పాల్గొన్న పెద్దపల్లి కలెక్టర్..

గ్రీన్ ఇండియా ఛాలెంజ్ లో భాగంగా జోగినిపల్లి సంతోష్ కుమార్ ప్రతిష్టాత్మకంగా చేపట్టిన గ్రీన్ ఛాలెంజ్ లో భాగంగా ఇవాళ మొక్కలు నాటారు పెద్దపల్లి కలెక్టర్  సిక్తా పట్నాయక్‌. కలెక్టరేట్ ఆవరణంలో మూడు మొక్కలు నాటి మరో ముగ్గురిని నామినేట్ చేశారు.

ఈ సందర్భంగా కలెక్టర్ సిక్తా పట్నాయక్ మాట్లాడుతూ ట్విట్టర్ వేదికగా గ్రీన్ ఛాలెంజ్ ని ప్రారంభించిన ఎంపీ సంతోష్ కుమార్ కి ప్రత్యేక అభినందనలు తెలిపారు. మొక్కలు నాటి సంరక్షించే అలవాటు చేసుకోవాలి అప్పుడే మన పర్యావరణ పరిరక్షణకి మనం మేలు చేసిన వాళ్లం అవుతామన్నారు. ఈ గ్రీన్ చాలెంజ్ ప్రతి ఒక్కరికి అలవాటు అయ్యే విధంగా , ఈ గ్రీన్ చాలెంజ్ లో ప్రతి ఒక్కరూ భాగస్వాములు అయ్యేలాగా మన వంతు బాధ్యతగా పాల్గొని దీనిని ముందుకు తీసుకెళ్లాలన్నారు.