ప్రతి జర్నలిస్టుకీ ఓ ఐడియాలజీ, థియరీ ఉంటుంది. అవినీతిమయమైన సమాజంలో నిజాయతీ గల జర్నలిస్ట్‌ పోరాటాన్ని ఎలా సాగించాడు? అనే కథాంశంతో తెరకెక్కించిన చిత్రం ‘ఇజం’. పూరి జగన్నాధ్ దర్శకత్వంలో కళ్యాణ్ రామ్ హీరోగా తెరకెక్కిన చిత్రం ‘ఇజం’. మొదట్లో పాజిటివ్ టాక్ అందుకొని ఆ తరువాత డివైడ్ టాక్ అందుకుంటున్న ‘ఇజం’ సినిమాపై ఇప్పుడు పవర్ స్టార్ పవన్ కళ్యాణ్ కామెంట్స్ సంచలనంగా మారాయి.
పవన్ కళ్యాణ్ ఎంత బిజీ షెడ్యూల్‌లో ఉన్నా త‌న‌తో బ‌ద్రి – కెమేరామెన్ గంగ‌తో రాంబాబు లాంటి సినిమాలు తీసిన ద‌ర్శ‌కుడు పూరి జ‌గ‌న్నాథ్ సినిమాలు మాత్రం ఫ‌స్ట్ డేనే చూస్తాడ‌ట.అయితే ప్ర‌స్తుతం కాట‌మ‌రాయుడు సినిమా షూటింగ్‌తో పాటు పొలిటిక‌ల్‌గా కాస్త బిజీ అయిన పవన్ ఇజం సినిమాను లేట్‌గా ఇటీవ‌లే చూశాడ‌ట. ఈ సినిమా చూసిన పవన్ కంట త‌డి పెట్టుకున్నాడ‌ని ఇండ‌స్ట్రీలో టాక్ వినిపిస్తోంది.
క‌ళ్యాణ్‌రామ్ యాక్టింగ్ చాలా బాగుంద‌ని…పూరి త‌న గ‌త సినిమాల కంటే చాలా విభిన్నంగా ఉందని చెప్పాడని టాక్. అంతేగాదు ఇజం క్లైమాక్స్ బాగుంద‌ని పవన్ మెచ్చుకున్నాడ‌ట. ఇక పవన్ ఓ నంద‌మూరి హీరో సినిమాకు ఈ రేంజ్‌లో కితాబు ఇవ్వ‌డం ఇప్పుడు టాలీవుడ్‌లో పెద్ద హాట్ టాపిక్‌గా మారింది. పవర్ స్టార్ పాజిటివ్ టాక్…ఇజంకు ప్లస్ పాయింటై కలెక్షన్లు పెరిగే అవకాశం ఉందని ఇండస్ట్రీ నిపుణులు భావిస్తున్నారు.
