పరుచూరి వెంకటేశ్వరరావు ఇంట్లో విషాదం..

ప్రముఖ రచయిత పరుచూరి వెంకటేశ్వరరావు ఇంట్లో విషాదం నెలకొంది. ఆయన స‌తీమ‌ణి విజ‌య‌ల‌క్ష్మి(74) గుండెపోటుతో ఇవాళ ఉదయం కన్నుమూశారు. కొంతకాలంగా అనారోగ్యంతో బాధపడుతున్న ఆమె హైదరాబాద్‌లోని తన నివాసంలో తుదిశ్వాస విడిచారు.

పరుచూరి బ్రదర్స్‌లో పెద్దవారు పరుచూరి వెంకటేశ్వరరావు. టాలీవుడ్‌లో తమకంటూ ఓ గుర్తింపు తెచ్చుకున్నారు. ఎన్టీఆర్‌ కాలం మొదలుకొని నేటివరకు కథలు, డైలాగ్స్ రాయడంలో పరుచూరి బ్రదర్స్ (ప‌రుచూరి వెంక‌టేశ్వ‌ర‌రావు, ప‌రుచూరి గోపాల‌కృష్ణ‌)కి తిరుగులేదు.టాలీవుడ్ అగ్రహీరోలందరి సినిమాలకు రచయితలుగా పని చేసిన అనుభవం ప‌రుచూరి బ్ర‌ద‌ర్స్ సొంతం.