మారుతి దర్శకత్వంలో గోపిచంద్ హీరోగా తెరకెక్కిన చిత్రం పక్కా కమర్షియల్. జూలై 1న సినిమా ప్రపంచవ్యాప్తంగా ప్రేక్షకుల ముందుకురానుండగా ఈ సినిమాపై భారీ ఆశలు పెట్టుకున్నాడు హీరో గోపిచంద్. ఇక ఇటీవలి కాలంలో సినిమా టికెట్ రేట్ల పెంపు తెలుగు రాష్ట్రాల్లో చర్చనీయాంశం కాగా గోపిచంద్ సినిమాకు మాత్రం టికెట్ రేట్లు తగ్గాయి.
తెలంగాణ‌లో సింగిల్ థియేట‌ర్‌లో రూ.100 కాగా మ‌ల్టీప్లెక్స్‌లో రూ.160గా ఉండునుంది. ఇక ఆంధ్ర ప్ర‌దేశ్‌లో సింగిల్ థియేట‌ర్‌లో రూ.100 కాగా మ‌ల్టీప్లెక్స్‌లో రూ.150గా ఉండ‌నున్న‌ట్లు మేక‌ర్స్ ప్ర‌క‌టించారు. ఈ మ‌ధ్య కాలంలో ఇంత త‌క్కువ టిక్కెట్ రేట్ల‌తో ఏ సినిమా విడుద‌ల కాలేదు.
రాశీఖ‌న్నా హీరోయిన్‌గా న‌టించిన ఈ చిత్రంలో స‌త్య‌రాజ్‌, శ్రీనివాస్ రెడ్డి, అన‌సూయ, రావుర‌మేష్ కీల‌క‌పాత్ర‌ల్లో న‌టించారు. యూవీ క్ర‌యేష‌న్స్‌, జీఎ2 పిక్చ‌ర్స్ బ్యాన‌ర్‌ల‌పై బ‌న్నివాస్‌, వంశీ, ప్ర‌మోద్‌లు సంయుక్తంగా ఈ చిత్రాన్ని నిర్మించారు.
