భారత క్రికెట్ జట్టు కెప్టెన్ విరాట్ కోహ్లీని పోలిన ఇతని అసలు పేరు సోహైల్‌ సిద్దిక్‌. గత కొద్ది రోజులుగా పాక్‌స్థాన్‌లో విరాట్ కోహ్లీని పోలిన వ్యక్తికి సంబంధించిన ఓ వీడియో నెట్టింట్లో హల్‌చల్‌ చేస్తోన్న సంగతి తెలిసిందే. పిజ్జా సెంటర్‌లో కోహ్లీ పిజ్జా తయారుచేస్తున్నాడా.. ఏంటని.. కోహ్లీని పోలిన వ్యక్తికి సంబంధించిన వీడియోను ‘జస్ట్‌ పాకిస్థానీ తింగ్స్‌’ పేరిట ఇటీవల సోషల్ మీడియాలో పోస్ట్ చేశారు. ఇప్పుడు ఈ విరాట్ను పోలిన సోషల్ మీడియా హీరో ఉత్తర్‌ప్రదేశ్‌కి వచ్చాడు. సోహైల్‌ యూపీలో బందువుల ఇంట్లో జరిగిన ఓ ఫంక్షన్‌కి హాజరయ్యాడు. ఈ సంధర్బంగా స్థానిక మీడియా సోహైల్‌ను పలకరించింది.
ఈ సందర్భంగా సోహైల్‌ మట్లాడుతూ… కరాచీలోని డోమినోస్‌ పిజ్జా సెంటర్‌లో నేను అకౌంట్స్‌ చూసుకుంటూ ఉంటాను. ఆ రోజు అనుకోకుండా పిజ్జా తయారు చేసే పనిలో మునిగిపోయాను. ఆ వీడియో ఎవరు తీశారో కూడా నాకు తెలియదు’ అని తెలిపాడు. సోషల్‌మీడియాలో ఆ వీడియో వైరల్‌గా మారడంతో నన్ను కలిసేందుకు మీడియా వారు పిజ్జా సెంటర్‌ వద్ద క్యూ కట్టారు. ఆ సమయంలో నేను అక్కడ లేను. నా చదువు కోసం నేనే డబ్బులు సంపాదించుకోవల్సి రావడంతో డోమినోస్‌ పిజ్జా ఔట్‌లెట్‌లో అకౌంట్స్‌ చూసుకునే పనిలో కుదిరాను అని చెప్పాడు.
క్రికెట్ ఆడుతున్నప్పుడు తనను స్నేహితులు విరాట్ అని పిలిచేవారని సిద్దిక్‌ చెప్పాడు. పనిలో చేరిన తరువాత క్రికెట్ ఆడడం మానేశానని.. ఇప్పటికీ తనకు క్రికెట్ అంటే ఇష్టమన్నాడు. ఇండియా మరియు పాకిస్తాన్ టీం అంటే ఇష్టమన్న సిద్దిక్‌.. భారత క్రికెటర్లలో మహేంద్ర సింగ్ ధోనీ అంటేనే ఇష్టమన్నాడు.
