బాహుబలి,ఈగ చిత్రాలతో తెలుగులో ఫ్యాన్‌ ఫాలోయింగ్ సంపాదించుకున్న హీరో సుదీప్. కన్నడలో స్టార్‌ హీరోగా ఉన్న సుదీప్ ప్రస్తుతం ఎస్ కృష్ణ దర్శకత్వంలో పహిల్వాన్ అనే చిత్రం చేస్తున్నారు. ఇప్పటికే సినిమాకు సంబంధించి ఒక్కో సాంగ్‌ను విడుదల చేస్తూ వస్తున్న చిత్రయూనిట్ తాజాగా ట్రైలర్‌ డేట్‌ని అనౌన్స్‌ చేసింది. ఈనెల 22న మధ్యాహ్నం 1 గంటలకు సినిమా ట్రైలర్‌ అన్ని భాషల్లో విడుదల చేయనున్నట్లు ప్రకటించింది. అచ్చం పహిల్వాన్‌లా సమరానికి సిద్ధం అంటూ డిజైన్ చేసిన పోస్టర్ అందరిని ఆకట్టుకుంటోంది.
సుదీప్ సరసన ఆకాంక్ష సింగ్ హీరోయిన్‌గా నటిస్తుండగా కబీర్‌ దుహాన్‌సింగ్‌ ప్రతినాయక పాత్రలో కనిపించనున్నారు. అర్జున్ జ‌న్యా సంగీతం అందించిన ఈ చిత్రాన్ని వారాహి బ్యానర్‌ నిర్మిస్తోంది.
యాక్షన్‌ డ్రామాగా రూపుదిద్దుకొంటున్న ఈ చిత్రంలో సుదీప్ రెజ్లర్‌గా కనిపించనున్నారు. బాలీవుడ్‌ నటుడు సునీల్‌శెట్టి, ఆకాంక్ష సింగ్ కీలక పాత్రలు పోషిస్తున్నారు. ఈ చిత్రానికి ఎగ్జిక్యూటివ్‌ నిర్మాత: ఎస్.దేవరాజ్‌.
#Pailwaan Trailer Releasing Tomorrow at 1 PM in all languages
Stay tuned!
Starring @KicchaSudeep @SunielVShetty @aakanksha_s30 @Kabirduhansingh
@krisshdop @iswapnakrishna @thepailwaan @ArjunjanyaAJ @LahariMusic @KRG_Studios @VaaraahiCC pic.twitter.com/5SsGLmW9mp— 𝐕𝐚𝐦𝐬𝐢𝐒𝐡𝐞𝐤𝐚𝐫 (@UrsVamsiShekar) August 21, 2019
