25న ‘పద్మావత్’..

బాలీవుడ్ దర్శకుడు సంజయ్ భన్సాలీ రూపొందించిన పద్మావతి ఇప్పుడు దేశ వ్యాప్తంగా చర్చనీయాంశంగా మారిన విషయం తెలిసిందే. రాజ్ పుత్‌ల ఆందోళనల నేపథ్యంలో ఆ చిత్ర విడుదలను నిర్మాతలు తాత్కాలికంగా నిలిపివేశారు.

ఎన్నో వివాదాలు, అభ్యంతరాలతో పద్మావతి సినిమాని కాస్తా ‘పద్మావత్’ గా మార్చి ఈ నెల 25న ప్రేక్షకుల ముందుకు తీసుకురాబోతోంది చిత్రటీమ్‌. ఈ సినిమాకు సెన్సార్ విభాగం యూ బై ఏ సర్టిఫికేషన్ ఇచ్చింది. సెంట్రల్ బోర్డ్ ఆఫ్ ఫిల్మ్ సర్టిఫికెషన్ విభాగం సూచన మేరకు ఈ చిత్ర టైటిల్ ను పద్మావతి నుంచి పద్మావత్ గా మార్చడం జరిగింది.

విషయం ఏమిటంటే అక్షయ్ కుమార్ నటించిన ప్యాడ్ మ్యాన్ కూడా అదే రోజు విడుదల కానుండడం యాధృచ్ఛికం. పద్మావత్ సినిమాలో దీపికా పదుకొనె, రణవీర్ సింగ్ నాయికా నాయకులుగా నటించగా, సినిమా నిడివి అంతిమంగా 2.43 గంటలు ఉండనుంది.