స‌రైన క‌థ‌లు ఎంచుకుంటూ త‌న సినిమాల‌ను ప‌క్కా ప్లానింగ్ లో సెట్ చేసుకుంటాడు హీరో శర్వానంద్. ఆయ‌న చేసిన సినిమాల్లో అన్ని విజ‌యం సాధించిన‌వేగా చెప్పుకోవ‌చ్చు. కొత్త ద‌ర్శ‌కుల‌కు అవకాశాలు ఇస్తూ హిట్లు సాధిస్తున్నాడు. ఇక శర్వానంద్ తాజాగా చేస్తున్న మూవీ ప‌డి ప‌డి లేచే మ‌న‌సు. ప్ర‌ముఖ ద‌ర్శ‌కుడు హ‌ను రాఘ‌వ‌పూడి ఈచిత్రానికి ద‌ర్శ‌క‌త్వం వ‌హిస్తోన్నారు. శ‌ర్వాకు జోడిగా కేర‌ళ కుట్టి సాయి ప‌ల్ల‌వి హీరోయిన్ గా న‌టిస్తోంది.
విభిన్న‌మైన ప్రేమ క‌ధా చిత్రంగా ఈమూవీని తెర‌కెక్కించారు. ఇప్ప‌టికే ఈమూవీకి సంబంధించిన ఫ‌స్ట్ లుక్ ల‌ను కూడా విడుద‌ల చేశారు. తాజాగా ఈ సినిమా నుంచి ఒక లిరిక‌ల్ సాంగ్ వీడియోను విడుద‌ల చేశారు. “కల్లోలం వెంటేసుకొచ్చే పిల్లగాలే .. నను చూస్తూనే కమ్మేసేనే. కల్లోని గాంధర్వ కన్యే ఎక్కి రైల్ .. విహరించేనా భూలోకమే” అంటూ ఈ సాంగ్ కొనసాగుతోంది. విశాల్ చంద్ర‌శేఖ‌ర్ ఈమూవీకి సంగీతం అందించారు. కృష్ణ‌కాంత్ ఈపాట‌ను రాయ‌గా అనురాగ్ కుల‌క‌ర్ణి పాట‌ను పాడారు. డిసెంబర్ 21న ఈసినిమాను విడుద‌ల చేయ‌నున్నారు. ఈ క్రేజీ కాంబినేష‌న్ లో వ‌స్తున్న మూవీపై భారీ అంచ‌నాలు ఉన్నాయి.
